يا صاحبي

[بحّة الشوق]

[align=center]ياصاحبي وشفيـك ماعـاد دقيـت
إن كان زعلتك بـأي شـي قلـي

مدري علامك لك نهارين سجيـت
ما عاد تسأل لا ولا مرسلـن لـي

كذا يوم اصبحت غالـي تغليـت
صار الجفا نجم , بسمـاك متعلـي

تخيل العزه معي . واسمع البيت
وركز على ماقـول ماهـو تغلـي

لو تطلب وصالي غلا . لك تعنيت
ولو تطلبه مجبور مابيك خلي

الحب صدفه دون موعد وتوقيـت
يبرك على قلب البشـر ثـم يفلـي

وإن كان ماتعشق وفـا ماتهنيـت
وش تنفع الدلـه بـلا هيـل قلـي

مثل العجوز اللي سنعها بلا صيت
تدعي على العالم وهي ما تصلـي

إمــــا تواصلنـي علـى مـا تمنيـت
والا تفارقـنــــــــي إذا مسفـهـلـي

وإن جيت غالي وإن توكلت ماجيت
يبقى العفو بالمقدره قسمتـن لـي[/align]

[ناجي الحفراااوي]

صح لسانك وسلم بنانك اخوي على هذا الانتقاء الجميل

وصح لسان شاعرها المبدع

شكراً لك على النقل..

[بحّة الشوق]

اقتباس: المشاركة الأصلية كتبت بواسطة ناجي الحفراااوي    صح لسانك وسلم بنانك اخوي على هذا الانتقاء الجميل وصح لسان شاعرها المبدع شكراً لك على النقل..

مشكور اخوي ناجي على الاطراء الجميل ,, شاكر لك مرورك