[align=center]الـسلام عليكم...
صباح الخـيـر وصباح الخـير ياوطــن[align=justify]بدوون مـقـدمـــات... وبدون تكلف بالكلام . لانـي احب اكتب باللهجه العامـيه . وارجو منكم تفادئ الاخطاء الامـلائية.لاني اكتب وانا انعـــس .
بسراحـه انا كنت متحمـس لليوم الوطـنـي لدرجـة اني مدري وش اسوي وكيف اقدر اعبر عن فرحتي بهاليوم..ولاكــن ابقولكــم اللــي حصــل معــي ومـع اغــلب شبـاب حفـر الباطــن اللي عبروا عن فرحتهم بكــل ما اوتوا من قوهـ.. واشكرهم على الجهد اللي بذلوهـ لكـي يعبرون عن مشاعرهم وحبهم للوطــن :
بديت استعدادي للفرحـه الوطنيه من العصر وشريت علم السعوديــه بـ 90 ريال مع ان قيمته 40 ريال بس موسم مايلامون وعلمنا يستاهل اكثر وزيــن لقيــت علم بالسووق(لان الاعلام والشعارات اللي عندي من زمان صادروها الدوريات ايام فوز المنتخب ووين ودوها الله اعلم).. وكل ماجيت محل اقولــه عندك علم يقول ممنوع نبيع اعلام .. ليش ؟! .. يقول هذي التعليمات اللي وصلتنا ... مالنا دخل مامنعوا الشئ هذا الا لسبب انا ما اعرفه.. وحطينا العلم وجهزة السياره من جميع المستلزمات اللي تخلي الواحد يعبر عن فرحته .. بعد صـلاة العشـاء دقيـت علي حوحو(صديقي) .
الوو حوحو ويـنك؟
حوحو: هلا والله انا بالبيت
طيب انا جايك الحـين عشان نروح نستانس باليوم الوطنــي ..
حوحو : اوكـي
وعند ما اجتمعنا تشاورنا كالعادهـ .. وين نرووح ؟
قال : والله مدري بـس خلنا نطلع للمأويه اكيد فيها احتفال ...
رحنا للمأويه على قولته ولقيناها مسكــره ,,, افااا طيب ليش مسويــنها اذا مايحتفلونبها بمثل هالمناسبات..(المأويـه << على طريق الرياض )
رجعنا . وشرايك وين نروح .. قال : اكيد النـاس يحتفلون عند مبنى المحافظـه ... وعلى طول للمحافظـه ولاكن ماحصلنا شئ .. طيب خلنا نروح مقابل العقاريـه . لان مقابلها ساحه كبيرهـ ( مواقـف سيارات احم احم.. ) رحنا للعقاريـه مافيـه الا الدوريــات ورجال الهيئه وياويلك تقرب لانك عزوبي (حـتى الشارع اللي مقابل العقارية صار للعائلات فقط.ههههـ 009:.. طيب وش الراي قال مافيه الا بودل لاند رحنا بودلاند لاكـن مافيــش الا عوائل.. ياولد وش السواهـ .. قلنا مافيه الا نشتري شريط من اقرب تسجيلات ونفلها بطريقتنا...
شرينا شريط اغانـي وطنيه ( لحد يقولي ماعرفت الوطن الا بهاليوم. اعلام واغاني وطنيه وش الطاري؟)
واتجهنا للمزروع اللي على طريق الشمال نبي نفلهـا وربكـ يحلهـا..الوضــع افضل من الاماكـن اللي جيناها فيما سبق . ولاكن فيه شوئ فوضى .. لاكن الشعب السعودي بقمت الوناسـه .. قلنا خلنا مع الشعب اللـي يعبرون عن فرحتهم بطريقتهم(مسيرة) مشينا بالسيارات شوئ الا الدوريات عاكسين السير وجايين صوبنا يمشون ميتيــن200 تقريبا .. وش السالفه مدري .؟ ثلاث ثواني بالكثير وكل السيارات اللي يمشون معانا هجوووو << اللفظ على قد الواقع... عرفنا ان اللي نسويه غلط او يمكن يكــون غلط.
قلنا مالنا بالناس خلنا نمشي لحالنا .. وحنا نمشي الا والدورية ورانا مشغل السفتي .. (طاط .ياراعـي السيار الفلانـيـه سفط على جنب) وش السالفه ..قال: ليش مسوي بسيارتك كذا << كذا اي حاط علم السعوديـه بحيث انه ما يخفي معالم السيارهـ ولا يؤثر بشئ > عندي شوئ معلومات عن انظمة المرور... بسؤاله هذا شككني انه ماهو يوم وطـنـي .. قال شلهم ولا بوديك انت وخويك للتوقيف !!! حاولت اتفاهم مع العسكري .. قلت ياخي هذا يوم وطني وهذي الطريقه اللي انا احب اعبر فيها عن فرحتي << اصلن مافيه طريقه ثانيه اذا المأويه مقفله.. قال حب الوطن بالقلب ماهو بالاعلام والشعارات اللي انت حاط... كلام جميل ولاكــن هذي مناسبه وفرصـه ان الواحد يعبر فيها عن حبه لهذا الوطـن العظيم ... المهم ان الرجال مصمصم على رايــه بس جزاه الله خير ماصادر الاعلام والشعارات .. شلت اغراضي وحوستي اللي كاشخ فيها .. وطلعت انا وصقيقي للبر بهالجو الحلو والبراد وليلة 15 من الشهر .. وقلت بيني وبين نفسي .. وش معنى يعني اهل الحفر مايقدرون يستانسون باليوم الوطـني ولا بفوز المنتخب ..:
:( ليش مافيه مقر احتفالات بمحافظـة حفر الباطــن؟ ليش الملاعب المجمعة مسكربمثل هاليوم ؟ والمأوية اللي من عرفتها وهي مسكرهـ ؟ ليش سووهـا مدري . مع ان مبناها رايح فيها؟
:( ليش ولماذا مافيه لجان تنظم مثل هالاحتفالات.او على الاقـل يعلمونا كيف نحتفل . اذاهم شايفيـن طريقتنـا خطــأ؟؟ << المخاطب في هذا السؤال هو كل من خرب علي فرحتي بهاليوم .
:(ليش اذا قلنا نبي نتمشى . قال يارجال انت بالحفر يعني وين تبي ترووح؟ << من جد وين ارووح ؟
على العموم ما ابي اطول عليكم اكثر من كذا..
واعذروني على طريقة كلامـي بس هذا اللي قدرني الله عليه
وللمعلومـيه هذا اول موضع اكتبه بمنتدى وانشاء الله مايكون الاخير لان عندي كلام كثير.. بس اوعدكم اني راح اقول كل اللي بخاطري حتى لو كنت غلط .[/align]
وكـــل عامـ وانتم والوطــن بخـــير
اخوكم/ انـــا > بدون زعـــل[/align]
هكـــذا قضيـت الــيوم الوطـنـي
رد: هكـــذا قضيـت الــيوم الوطـنـي
العرض العادي
