مساعده يااهل الحفر

[ابوسعدون]

السلام عليكم ورحمة الله وبركاته .


مبارك عليكم هالشهر الفضيل...



بغيت استفسر ياخوان عن سعر الفورد بحفر الباطن ..فراند ماركيز او فكتوريا ..موديل 2001 -2002

نظيف نص فل او فول اوبشن ممشااه ما تعدى 150 الف كيلو بحدود كم ؟؟


وجزاكم الله خيرا

[ناجي الحفراااوي]

وعليكم السلام

حياك الله ابو سعدون

للأسف ياغالي لاتوجد لدي خبره في الفورد

وان شاء الله الاعضاء يفيدونك اكثر

فقط أتيت للترحيب بك.

اهلاً وسهلاً.

[ابوسعدون]

الله يحيك ويبقيك ويخليك لعينن ترجيك

(من قال لا ادري فقد افتى)

جزيت خيرا

[عـــز الخوي]

اذا فل كامل يعني مكيف لمس وعداد الالكتروني وسعودي يعني بحدود 25ــ30 لان السعودي مرغوب واذا امريكي 22ــ27 ـ هذا علمي لا ن عندي فورد قراند ماركيز نص فل ماشي حدود 170 امريكي بعته ب22الف ريال ــ

اتمني اني وفقت بما ادليت به ،،،،

[ابوسعدون]

مشكور الله اخوي وما قصرت ..اسعاركم الصراحه واقعيه وما احس فيها مبالغه

[فوآز آلحربي]

هلاا وغلاا

ياطويل العمر اول شي مبارك عليك الشهر وكل عام وانت بخير وصحه وسلامه

بخصوص الفورد انا استخدمت موديل 98 + 2001 جميعها جراند ماركيز

وشاريها من حفرالباطن

....


موديل 2001 فل كامل بس امريكي شريته 36000 الف ماشي 197 الف
وبعته وهو ماشي 200 الف

موديل 98 نص فل طبعا امريكي شريته 29000 الف الموتر ماشي 90 الف


.......


وبعته وشريت فكــتوريا موديل 2002 من الكــويت .. وقيمه رخيص وهو معي حاليا


شف اخوي انا جربت فكتوريا والجراند ماركيز صراحه لايوجد فرق بينهما

الا في الكسسورات الداخليه فقط يتميز بها الجراند ماركيز ..

اذا بغيت تشتري اخووي اشتر فكتوريا يكد معاك وهذي وجهة نظري

وعسى الله يرزقك الموتر النظيف


دمت بخير اخي الكريم

[العزيزيه (ب)]

بتوفيق اخوي والصراحه كلام اخوي فواز صحيح
لان الفكتوري مال مكده واما الجراندي لا حساس شوي وخاصه من ناحية الكهرباء
وعسى الله يوفقك
=== تقبل مروري

[ابوسعدون]

هلا بك زود..

وكل عام وانت بالف خير..

الان ياخوي تلخبطت شوي

عز الخوي..يقول(بحدود 25ــ30 لان السعودي مرغوب واذا امريكي 22ــ27)

وانت يالغلا ( 36000 الف)

فما ادري مين الصح..؟؟

بس حبيت اسألك انت متى شاري الماركيز 2001 قبل كم سنه ؟؟؟

انا الي ابي اعرفه يالغالي سعره هالوقت بمعارض الحفر..لاني سمعت انكم اهل الامريكي ومواتركم

نظيفه وممشى قليل واسعارهن معقوله..

اما بنصيحتك اشري فكتوريا والله يالغالي انا ما عندي مشكله وافضل الفكتوريا بعد بس على حسب انا

بشري مستعمل والي بحصله نظيف بشريه سواء كان ماركيز ولا فكتوريا

وشكرا

[أبوفيصل]

الحراج ما تتعدى 30 ألف ..

أما الصالات فمن 29 إلى 37 ألف

هذي لــ2002 ,, النظيف النظيف..

[فوآز آلحربي]

[align=center]قبل سنه الموتر الـ 2001 وللمعلوميه انا شاريها من الصاله

...........

وبالنسبه للـ 98 قبل خمس شهور من صاله الناصر << وانا انصحك بالصاله هذي
لاني انا شاري من عندها والرجال ابو سعود الشمري خوش رجال مثلك وشرواك
وانا رجال من الكويت يعني ماتربطني علاقه مع ابو سعود لكن مدح لي الموتر
وجاء على كلامه ... وانا كنت باصاله قبل اسبوع منزل مواتر جديده .. وانصحك فيها
اذا تبي من الصاله
..............

والـ 2002 ماصار لها شهرين من الكويت وشاريها بحدود 2400 دينار
والموتر نظيف ..


.......


كلام اخوي عز الخوي صحيح واعتقد انه يتكلم عن الحراج

ولكن انا ردي السابق اتكلم عن الصالات ...؟


.....

بيعت فورد 2001 ماركيز ابيض كويتي في معرض شيخ المعارض ابو فهد الحربي
19500ريال بس الموتر حاشته سمكره .. ولكن (قير ماكينه على الشرط) هذا الكلام قبل
اربع اشهر << وقدام عيوني بيعت

.........


الخلاصه :: يالغالي المعارض رخيصه والحراج كذالك
ولكن الصالات غاليه وتتراوح اسعارها على حسب الموديل


دمت بخير اخي الكريم

[/align]