فزعتكم تكفون

[الحوسي3]

خلك عند اهلك بدون تردد

[رايس الشيحي]

اقتباس: المشاركة الأصلية كتبت بواسطة اثير    انظر للوظيفتين وعلى المدى البعيد استشر والدتك وربي يوفقك

[حفراوي2010]

اقتباس: المشاركة الأصلية كتبت بواسطة الوطني 46338    السلام عليكم ورحمة الله وبعد أخواني انا جاني عرضيين وظيفين واحد من شركة سابك والثاني من ديوان الخدمة الوظيفة الاولى في الرياض والثانية عند الاهل بحفر الباطن بالمرتبة الخامسة الدرجة الثانية وظيفة كاتب ومحتار اي وحدة اختار ارجو المساعدة ومالكم الا الاجر من الله ودمتم برعاية الله

طيب اذا حقت الخدمة المدنية مضمونه اختارها . اما اذا كان مجرد ترشيح ما انصح ترى راح يشوتونك مع الباب. سابك افضل

[الذيب الوايلي]

ياخي العزيز اولا الف مبروك



لاتفكر ولا لاتحتار اختار سابك لانها هي مستقبلك الحقيقي



ولااهل الحمد لله قريب اهم شي الراحه النفسيه بالعمل والاستقرار الوظيفي\\\


حنا في زمان صعب جد



فيه من درسو سنين خارج الوطن عشان الاستقرار الوظيفي

[كساب الطيب]

[align=center]اخوي تبي نصيحتي واخواني بالمنتدى ماقصروا معك

اخذ الي عند اهلك يالغالي وكمل دراستك < وبكذا صدقني راح تتطور بوظيفتك وتاصل إن شاء الله إلى اعلى المراتب

وماشاء الله تبارك الرحمن عسى الله يوفقك ويفتحها بوجهك < وبكل صدق يوم شفت الموضوع قلت هالحبيب الي دوم يساعد الناس اليوم يقول تكفى ّّ!!!

صدقني فرحت لك[/align]اخوك

[الوطني 46338]

جزاكم الله والله يرزقكم مثل مارزقني واحسن وانتم اهلي وعزوتي واللي سويته واجب على رقبتي وانتم اهل الفزعات والطيب وماهي غريبة عليكم اهل الحفر ومشكورين وبيض الله وجيهكم وجعل الله عملكم في موازيين حسناتكم

ودمتم في رعاية الله وحفظه

[مبارك المبارك]

تعطيني وحدة

[الوطني 46338]

^^^^^^^^^^^^^^^^^^^^^^^^

والله ياخوك تستاهل ولو في مجال اعطيك وحدة عطيتك والله يرزقك الوظيفة الي تريحك

ودمت في رعاية الله اخوي

[تركي الوايلي]

عليكم السلام ورحمة الله وبركاته

حياك الله يالوطني ومبروك مقدماً

وتبي نصيحتي خذ الوظيفه اللي بالحفر افضلك من عناء المشاوير للجبيل

والشيء الثاني طال عمرك انا سمعت شركة سابك تتعامل بالرباء والعياذ بالله

وشكرا

[جروح الذاكرة]

مميزات الوظائف الحكومية :

1) القرب من الأهل .

2) إستقرار نفسي في الغالب .


مميزات وظائف القطاع الخاص :

1) راتب أفضل

2 ) تأمين طبي

3 ) بدل سكن

4) بدل مواصلات

5) غالبا ً يتحملون فاتورة التلفون . بالإضافة إلى راتب أساسي يمنح لك في الأعياد .

الموظف الحكومي يخدم 25 سنة في الغالب تحصل راتبه ما تعدى 15 الف .

الموظف في القطاع الخاص يخدم 25 سنة ممكن يتعدى راتبه 30 الف إذا كان عنده إنتاجية ويعتمد عليه .


وضعك الأسري له دور . يعني فيه كثير من الناس يقول ماعندي مانع أتوظف بالرياض و أطلع للحفر كل خميس وجمعة أشوف فيها الأهل ، عكس ذلك تشوف واحد مايقدر يطلع من الحفر لعدة أسباب ، ممكن أهله يعتمدون عليه كثير وما يقدر يتركهم . ممكن نفسيا ً يتضايق إذا غاب عن الحفر عدة أيام . إذا توظفت بالجبيل إجازتك السنوية إحتمال كبير تقضيها بالحفر ، وذا توظفت بالحفر إجازتك ممكن تقضيها خارج الحفر . وفوق هذا كله إذا كان جو الحفر مليان غبار ، لا تنسى إن جو الجبيل بالذات مشبّع بالغازات الضارة . أنا وبحكم إني موظف بالدمام وبقطاع خاص أنصحك تختار الوظيفة الموجودة بالحفر . لأنك لو توظفت بالجبيل أكيد إنك وبعد عمُر طويل 20 / 25 سنة راح ترجع للحفر . أقول لك مثل ماقال لك تركي الوايلي ، إختر الوظيفة الموجودة بالحفر بشرط إنك تكمل دراستك إذا ما معك بكالوريوس . وإذا ماعندك إستعداد تكمل دراستك ، توظف في سابك وهم راح يتكفلون بتدريبك حتى يتم صقلك . بعد كذا سنة إطلب نقل خدماتك لأي قطاع خاص في الحفر بعد إكتساب الخبرة ، لأنه مافيه خوف في القطاع الخاص لو نقلت خدماتك من شركة إلى شركة ما دمت مسجل في التأمينات الإجتماعية .

ولا تنسى تستخير ، وتدعي لنفسك .

مع تمنياتي لك بالتوفيق في اي عمل .