رجال أعمال حفر الباطن يبحثون نقص العمالة

[فيهم شـي]

السلام عليكم ورحمة الله وبركاته


ناقشت لجنة مشتركي غرفة الشرقية بمحافظة حفر الباطن مشكلة العمالة في العديد من القطاعات والأنشطة التجارية، وأوصت اللجنة بزيارة مدير مكتب العمل بمحافظة حفر الباطن، ومعرفة أسباب الرفض في هذا المجال. واستعرضت اللجنة في اجتماعها الأخير الذي عقد نهاية الأسبوع الماضي وترأسه رئيس اللجنة صالح عبدالمحسن التركي توصيات الاجتماع السابع عشر.
وتم خلال الاجتماع بحث موضوع اللقاء الموسع بين رئيس وأعضاء اللجنة من جهة ورجال الأعمال بالمحافظة من جهة أخرى والمقترح تحديده من قبل الإدارة 20 أكتوبر 2009.


(( العمالة اكثر من سكان الحفر . قال نقص عماله قال ))

[ابن حطيحط]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههه

مالي خلق اضحك وانا صايم ومع ذلك ضحكت غصب عني
الحين بيوت العمال بالحفر وش كثرها وبين كل بيت عمال وبيت عمال عشر بيوت عمال
مابقى الا يجيبون القارة الهندية عندنا

تحياتي لك

[فيصل الجزال]

بارك الله فيكم
نحن نشتكي من نقص العمالة فعلا لأن اغلب الانشطة التجارية لايمكن استقدامها
ونتمني مناقشة مدير مكتب العمل والوصول لنتيجة لان بعض أعمالنا وأنشطتنا توقفت
والله الموفق

[هنوف نجد]

حسبى الله وهو نعم الوكيل ، اى نقص واى استهبال!!!واستخفاف بالعقول؟؟

والعمال اللى ماغير تتبطح على الشوارع الرئيسه والفرعيه وش سالفتها

اصلاً ليه يبحثون نقص العماله ، وين موقع السعوده من الاعراب ؟؟

((صدق اللي اختشوا ماااتوا))

[ناجي الحفراااوي]

مشكلة العمال الذين بالشوارع على اصحابهم

يطلبونهم من اجل اخذ منهم مبلغ معين!

بعدها يتم تركهم بالشوارع بدون حسب ولا رقيب

او المشكله على مؤسسة الطريفي التي لاتعلم اين عمالهم وكم عددهم!!

شارع الملك عبدالله وشارع الامير سلطان وسوق الخضار

كلها تصيح من العماله السائبه على الشوارع لكن بدون اي التفاته!!!

مانلوم مكتب العمل اذا رفض يعطي فيز عمال

لان بعض الناس اخذوها تجاره مربحه لهم!

[المحتار1]

امــــــــــا نقص عماله في حفرالباطن نكتة الموسم بصراحه شي يضحك ويحزن بنفس الوقت العماله اكثرمن سكان الحفر

[الجزوم]

اضحكتنــــــــــــــــــــــــــــــــــــــــــــ ـــــــــــا

نقص عماله..........ولا نقص قرارات

[قرقع]

والله يا اخوان اني ملغي نشاط والسبب مكتب العمل حسبي الله عليهم عطوني عاملين فقط وانا محتاج اقل شي 10

العماله الي تشوفونها بالشارع هي لأخواننا بياعين الفيز الله يسامحهم هم الي ضيقو علينا

والله قبل 15 سنه اكتب العدد الي تبيه ماحد يقول لك لا بس الهندي والباكستاني من 13 سنه تقريباً صارت بالنسبه 10 %

اما باقي العماله اطلب بس

القضيه ماهي قضية سعودة القضيه الي يبيعون الفيز الله يلعن ابليسهم هم الي خربو علينا

ولا وش فيه اشد من القهر لما تكون صاحب نشاط وتشتري تأشيرات بــ 12 الف علشان تغطي العجز الي عندك ومكتب العمل يقول لك مافيه !!!

مابقى احد من اخواني ولا عيال عمي الا جبت بأسمه سايق خاص ومشغله وانا عارف انه مخالف لنظام الجوازات بس وش نسوي بمكتب العمل ؟

مكتب العمل المشكله فيهم هم ولا المفروض اي عامل يصرف لك يتم متابعة نشاطك فيما بعد ان حصلوك مقفل انذار وبعد المره الثالثه تجبر على نقل كفالة العامل او تسفيره وتغرم 15000 الف ريال علشان حقين التأشيرات يركدون

مكتب العمل سوالفهم الي من تحت الطاوله فاااااايحه ريحتها ولا نبي نتكلم عنها بس شوفو كم واحد صيف منهم ببيروت هالسنه :)


الله يستر علينا وعليهم واتمنى ان يعاد النظر في صرف العماله لمن نشاطه تجاوز الخمس سنوات اما الجديد تكون له لجنه ويقدم دراسه لمشروعه لمكتب العمل ويتم التحقق منه كل فتره لين يثبت مصداقيته


نسأل الله لنا ولكم التوفيق في الشهر الفضيل

[MuBaRak]

هذه بركات أصحاب الفيز والمشاريع الوهمية عطلو من لديه نشاطات حقيقية
















ملاحظة : العمالة التي تقف في بداية طريق الملك عبد الله (الصناعية)
بدأت بالزحف إلى داخل الأحياء وبدأت بطريق ابو بكر الصديق (المحمدية)

[تركي الوايلي]

طيب ليه حاقدين الحين من هالعماله ؟؟؟

امممممممممم كيف حالكم ؟؟