[align=center]جتني قرصة من مسعولن كبير هنا
وإجرحتني
وغديت مثل الصويب
زودن على هبالي
وقمت أبابي من قسم لقسم
ونوخت ذلولي هنا اريح شوي من الدوجه
وكتبت هالقصة وعسي ماتكون مكرره
أنتم خابريني مرتاح لين أشخبط بقلمي
===============
( ســـــــــــــــــــاره )
ساره من بنات الحمايل
ومزيونه مافان زينها
حجرها ابن عمها
يوم شاف الرياجيل يتسابقون على خطبتها
وبعد ماحجرها
جته بكل الطرق عشان يفك الحجر
لدرجة قالت له : مابيك ياوليد عمي
وشافت الدعوي طالت
ووليد عمها ماهو راضي يفهم
ودورة لها أكبر جليب واحذفة نفسها فيه
وشافها واحد من جماعتهم
وطنب الصياح افزعولي يا الربع
وجووك كلهم فازعين
وطلعوها وكانت سالمه مافيها شي
وسمع وليد عمها بالقصة
وقال مابعد هذي شي
وقال الشاعر : [/align]
[poem=font="Simplified Arabic,6,white,bold,italic" bkcolor="transparent" bkimage="backgrounds/21.gif" border="none,10,teal" type=1 line=0 align=center use=ex num="0,black"]
زين سلم قدته للبني ساره = من بلي بالروح يمشي مماشيها
بنت هيف الضان ماهيب صباره = عافت الدنيا وأهلها وغاليها
جت هيف العصر للموت مختاره = وطبحت باللي بعاد مداليها
رجلى اللي من حفا الحزم جباره = من حصاة الحزم حفيت مواطيها
لاولد عم ولانيب حجاره = بس كلمة حق الواجب أبديها [/poem]
[align=center]
وسلامتكم[/align]