رد: صـور قـديمــه لمحافظه حـفرالبـاطـن من ارشيف : جـارالله الـحمد
اقتباس:
المشاركة الأصلية كتبت بواسطة bab
«®°·.¸.•°°·.¸¸.•°°·.¸.•°®»الاخ محمد بارك الله فيك على نقل الصور
وبالمناسبة يعتبر الاخ جارالله من أذكى الناس ووحرصهم على التواصل والتوثيق للصور قديما فيكاد تقريبا كل مناسبة متواجد فيها سواء حفلات المدراس،النادي ،المناسبات العامه، الأعراس ، وخلافه واسعد كثيراً لما ازور الوالد في البيت ،وربما ما يعرف الجميع ان الاخ جارالله عنده صعوبة في الكلام والسمع واجرى عدة عمليات في امريكا في السمع ولكن !! سبحان الله من اذكى الناس اللي واجهتهم في حياتي ماشاء الله وخلاه لعياله ومحبيه. وبالمناسبه عند زيارته على طول إذا كان يعز الشخص يدخل داخل البيت ثم يجيب الشنطة السوداء الكبيره ثم ينثر الصور في الارض هذا غير الالبومات. ولكن للاسف فيه بعض اصدقاء الاخ جارالله عديم الثقة وعلى زعمه من باب الميانه اذا جاء في مجلسه وشاف الصور يقول للاخ جارالله جب لي ماء فيذهب للداخل لجلب الماء او اي شيء ثم يقوم بوضع الصور بجيبه للاسف وهذه طبعاً مزحه برزحه !! ولكن سبق وان قلتلكم بانه ماشاء الله ما تفوت عليه قام ووضع جميع الصور بلوحات خشبية ثم وضع البيانات تحتها ثم صورها فديو واحتفظ فيه عنده واللي يسير عليه ويريد ان يرى الصور يشغل له الفديو وتفرج لا سرق!! ولاحجج!! ولو تبي وايت ماء يجيب لك !!!هههههه!!! ولذا اطلب الاخوان اللي عندهم صور ماخوذه من ابو عبدالله ان يرجعها له وبسرعه !!
لذا ياخ محمد اجلس مع الوالد وخله ينوع الصور ومن جميع المناسبات وحاول تركز على كثرة الصور وتقلل الردود !! واقترح عليك ان تطل علينا كل بداية اسبوع السبت بان تضع مجموعة من الصور . واخيرا سلم على الوالد وانا مبطي ماشفته . ويعلم الله كم احن للحفر كثيراً. ديرة اهلي وربعي ومن اول تمشي في الشارع ويمر حوالي 30 سيارة او شخص عللا الاقل تعرف 29 او كلهم الان يمر 30 ماتعرف ولا واحد !! وتعتبر صدفه جميله ان تصادف احد من اهل الحفر الاولين اذا شفته . عموماً طولت عليكم !1 الله المستعان وتقبلوا احترامي وتحياتي .وآسف على الكتابه بالعامية ولكنها لسهولة التواصل
اخوكم ابو عبدالله «®°·.¸.•°°·.¸¸.•°°·.¸.•°®»
للرفع وتحقيق المطلوب بتقديم مزيد من الصور وشكرا لك
ولذا اطلب الاخوان اللي عندهم صور ماخوذه من ابو عبدالله ان يرجعها له وبسرعه !!
العرض العادي
