هلا اختي طالبة المغفره
اعذريني حبوبتي لتاخري والله انا صايره متل ام العروس فاضيه ومشغوله بوقت واحد
شكرا حياتي لثقتك فيني ورح اعطيكي رايي وان شاء الله يعجبك
بما انك بدك اللون الابيض والاسود والاحمر انا بايدك
متل ما قلتي فيك تصبغي الغرفه باللون الابيض ,,, والحيطه خلفيه السرير باللون الاسود وفيك تحطي عليها لوحه فنيه باللون الاحمر وبهيك بتكسري حدة اللون الاسود
وفيك كمان حبوبتي تقسمي الغرفه بالعرض يعني نصفين
النصف اللي فوق تصبغيه باللون الابيض الساده والنصف اللي تحت تصبغيه ابيض واسود يعني مقلم
خط اسود وخط ابيض وهكذا وطبعا الاكسسوارات تكون باللون الاحمر
قطعه سجاد تضع تحت السرير باللون الاحمر وعليها مخدات صغار بالالوان الثلاثه
دبدوب او ارنوب يعني انت وزوءك
وفيكي على التسريحه تحطي مفرش احمر شيفون
بالنسبه للبرادي فيك تروحي محل الاقمشه وتختاري اي قماش بحيث يكون شيفون ابيض وعليه رسوم ناعمه بالاسود او العكس
بتعرفي حبوبتي هلا طالعه موضه ان البردايه يكون الشيفون نفس رسمة القماش العادي
او فيكي تعمليها بردايه ناعمه من الشيفون الابيض والاسود وتجيبي قطعة شيفون احمر وتعمليها متل السكارف على البردايه من فوق
هيدا اللي طلع معي حاليا
وانا رح احاول ادورلك على صور تفيدك
انتظريني