يا قلب سامحني على كل زلة
...............................أخطيت في حقك كثير وتماديت
علمتك أدروب الهوى والمذلـة
..............................علـــــيك يا قلبي قسـيت وتجنيت
ياما نصحت وقلت من صد خله
...............................لا شك ما طاوعت يومك تخليت
واليوم دمع الــحزن عيني تهلـه
..............................يا ليتني طاوعت شورك وصديت
يا قلب أنا وياك نار ٍ ودلــــــــه
..............................من حزنها تشرب وأنا قد تقهويت
أصبر على بلواك والجرح شلـه
...............................أدري ترى ماجت على ما تمنيت
اعاهدك لهجر عنا الحب كلــــه
...............................ونسى سنين ٍ ماضيه يــوم حبيت
وان جا مع الأيام طاريه قلــــه
...............................أني بعيد ٍ عنه من يوم قفيــــــــت
هاذي بدايـــــــتنا وهذا محلــــه
.................................ذكرى وأنا منــــها تعبت وتعنيت
يا قلب أصبر والصبر لا تملــه
................................الصبر مفتاح الفرج لو تأنيــــــت
بس أنت سامحني على كل زلة
................................ولا أنا في حقك اخطيت وأخطيت
(سعدالمطيري)