يا صقر وا هنيك لك جنـاح تطيـر
لى طرى لك نزعت و طرت يم الهوا
بين قلبي و بينك فـرق والله كبيـر
لى كفخت انطلقت و لى كفخت التوى
انت حايم و انا بالقاع دوبي أسيـر
في صحاري زماني ذيب ليلي عـوى
فوق جوك سحاب و حدر جوي هجير
القدم فوق رمضا و الخفوق اكتـوى
كل حر إلى ضاق انتهـض للمطيـر
حومته بالسمـا ساعـه لقلبـه دوا
وا عذاب الجناح اللي يجـره كسيـر
كل ما فز مكسور النواهـض هـوى
الحرف لرمز الإبداع ورايد الفكر خالد الفيصل