السلام عليكم ورحمه الله وبركاته ..
أخي العزيز عقاري ..
أشكرك على اللفته لكن تمنيت لو ناقشت موضوع بعيدا عن السخريه .. ( أسلوبك غريب شوي وشي طبيعي تحصل ردة فعل من أهالي حفر الباطن ) ..
أخوي ..
في أمريكا ( من واقع تجربه ) الأمريكيين يتصيدون إعلانات التخفيضات في الجرايد علشان يتزاحمون عليها .. وتلقاهم يجمعون الكوبونات شهور علشان يحصلوا على التخفيض المناسب و مثل ما قلت أهل الحفر مشافيح برضوا الأمريكان مشافيح لما يفتح عندهم محل تلقاهم يتزاحمون عليه .. ويبون يلقطون كل ما فيه أنت قلت أن خويك وقف ساعه إلا ربع ! ( أنا ما أكذبك ) لكن الأمريكان اللي هم أكثر ثقافه مننا بكثير كسعوديين أو كعرب وأكثر ثقافه بالعالم أجمع هم الامريكان ومع هذا نجدهم يتوافدون في المراكز الجديده بكثرة .. وهذا شي ما يدل على تخلف زي ما أدعيت .. لكن ...
أولا .. أنفتاح الشعب لكل ما يستجد في بلده ..
وثانيا .. حب إستطلاع لكل ما هو جديد .. والنظر إلى المستقبل بنظر حظاريه مناسبه ..
لو توافد أهل حفر الباطن على البسطه وتركوا العقاريه و ستي ماكس ..
راح يكون رأيك أنهم متخلفين وما يعرفون المجمعات التجاريه أو الماركات المميزة .. مع العلم أن سيتي ماكس بضاعتهم من أبو طقـّـه !! يعني موب غالي وأغلب شغلهم أن لم يكن كله " صيني " .. فشي طبيعي من أهل حفر الباطن يتوافدون عليه بزدحام لأنه وبكل بساطه مركز تجاري بضاعته رخيصه .. والكل بالمملكه يسعى ورى الرخص .. وزي ما قلت لك أول الرد .. الأمريكان يجمعون الكوبونات لشهور عديده لكي يحصلوا على تخفيض يناسبهم ( هل هذا تخلف !! ) ..
رأيي ..
هو أننا كشعب سعودي متناقض لأبعد درجه ..
ولك في موضوعك خير دليل ..
لو توجهوا أهالي حفر الباطن إلى البسطه وسوق الخبول تقول متخلفين
ولو توجهوا لسيتي ماكس وفيل فري وباقي الماركات تقول تخلف وأنهم مشافيح !
أجل تبيهم يجلسون بالبيت .. ولا ياخذون بأمرك من أي محل يتسوقون !!!
أتمنى أن تخرج ولو لمره واحد خارج نطاق المملكه وترى كيف الناس عايشه !