تسنع لااقلب الدنيا على راسك بهجراني ---واخربها معك كلك واصحي جرح نسيانك
تراها لاخربت عندي ولايخفاك حقراني --- افارق للابد وقفي وشطب حت عنوانك
تعيد وتطري الفرقا واغطيها بكتماني --- وترجـع لي بطاريها تكــررها على لسانك
تكــررهـا وانا ساكــت ابيـك تصير عقلاني --- ابيك تغير القصــه ولكــن زدت بجنانك
تبي ننهي علاقتنا ترى مسموح نسياني--- واخدمك في نهايتنا واعجلها على شانك
واذا ودك على قربي تدله باب بستاني --- ولكن شرطي ماتطري طواري تهد بنيانك
تخير قبل ماسكر في وجهك كل بيباني --- تلاحق تالي الفرصه تراك تموت بحزانك
انا مابي رجــاك ولاابي منــك ترجاني --- ابي منــك وفــاء 0ولا تريحنــي بهجرانك
وصـلـك العلم وانت اسمي يهزك قبل قيفاني --- ابي ردك واذا تقدر ابي ردك بقيفانك
جميع الحقوق محفوظه الشاعر غنمان الغانم 1435