إنكسااار القلب

[بحّة الشوق]

[align=center]إنكسار القلب مايعني ضيـاع *** كلهـا مـدّه وترجـع تجبـره

الهوى قصّه نهايتهـا الـوداع *** أعتبرها نهر حـزن ٍ واعبـره

قاوم الدمعه بقدر المستطـاع *** وكانها طاحت تحجّج بِشْعَـره

ماعليك من الحكي واللي يذاع *** اعتبر حكـي الأوادم ثرثـره

هذي الدنيـا أكاذيـب وخـداع *** الكذب أصبح تحـدّي مقـدره

الملامح مرعبه خلف القنـاع *** وكل شخص ٍ له قناع ٍ يستره

إترك العالـم وخـلّ الإتّبـاع *** وإترك الماضي وراك وإحقـره

الهوى كانه مهو حدّ النخـاع *** لاتحرّى من حصايلـه اثمـره

من يبيع الحب يستاهل يبـاع *** ومن يحاول يهجرك انت اهجره

إنكسار القلب مايعني ضيـاع *** الضياع إنـك تـرد وتكسـره





أتمنى أن تروق لذائقتكم...[/align]