مشكلتنا طيبة مادري رخامة يعني لو كل واحد صار خطأ قدامه تكلم
وعدله مالقيت هالموظفين نافخين ريشهم على المواطنين !!!!
موقف حصلي في مكتب العمل من كثر ماغثيت الموظف كل يوم
وخشتي بخشته جيت مرة قبل الدوام ويوم دخل مكتبه
قلت له: السلام عليكم
قال : يالله صباح خير سلام على هالصبح (( تخيلوا ))
قلت : ايه سلام المسلمين اجل تبيني احب راسك ؟؟
قال : لاياخوي ماابيك تحب راسي وترى معاملتك عندي لايمكن تمشي
قلت : وانت مصدق اني باحب راسك ؟؟ معاملتي ماراح يوقعها الا حضرتك
وانت رجال طيب
قال : مخالف للنظام وتهددني ؟؟
قلت : لو اني مخالف للنظام كان ماحضرت عند وجهك الخايس
قال : والله انك .......... لكن اقسم بالله لو تنطبق السماء على الارض
لاخليك تراجع شهور لين تخيس !!!
قلت : اللي يبي يخيس حضرتك وانت توقعها
المهم طلع من مكتبه ولمكتب المدير وصياح وصباح ولاحصلت شيء
لانهم تعاونوا عليَ،،
بعد ماطلع رجعت للمدير وقلت الموظف محل اخوه نفس محلنا وجاب له
عمال هو حلال عليه وحرام علينا ؟؟
قال المدير : انا ادري انه غلطان لكن بعد اسبوه يبي يطلع اجازة تعال
ومرني،،
وبعد اسبوع جيته ووداني لموظف ثاني وخلص اوراقي
العرض العادي
