العود الكمبودي هو افضل انواع البخور الاصلي
سعر التوله غالي شوي يتراوح
سعره من الــ100 وحتى عشرة الاف ريال
وطبعاً الزين غالي
اما اذا بغيتي العود الاندونيسي وهو مقارب
لريحة العود الكمبودي تجدينه عند اكثر المحلات الكبيره يبيعونه بالدرزن ومعه عرض خاص سعره يكون بحدود خمسين ريال للدرزن والدرزن به ثلاث علب وعلبته تجي مثل علبة الزعفران على هيئة مستطيل والظاهر انهم يشترون زعفران ويفرغونه ويحطون بداله العود علشان تمشية وتصريف البضاعه بشكل سريع سريع الزبده اذا بغيتي الرخيص تجدينه عند محلات ابو خمسه واكيد مايخفيك هذا الشيء
مثل معمول الدوسري والشيخه والملكه والمزيونه وشيخة المزاين وطقتها وينباع عند الباسم والشارقه والبندر ووالخ ..,
وهو يجي على هيئة معمول مكعبات او دوائر
بس هذا مايصلح بسبع المذاهب وحتى ريحته تجيب الهم والغم والصداع ويجيب الغثيان والتطريش وانا لو يعطوني هذا النوع ببلاش وبكميات هائله ماراح اخذه مره شميته بأحد المحلات بغيت انصرع وانا انحاش من المحل بكبره لأن والله مايصلح معمول البخور يصرع الطير الطاير والمشكله والمصيبه يحلفون ويقولون معمول بخور الدوسري والملكه اصلي ومافي مثله بالاسواق كلها ويوم نجي لأسواق ابو خمسه وريالين نلقاه تارس هالاسواق ترس ومليان من مئات الانواع يضحكون ع العالم
فلذلك عليك بالعود الكمبودي الاندونيسي
فهذا صالح للغرض والمطلوب للاعراس وفوق ذلك سعره مناسب ورخيص وريحته حلوه ومقبوله ويصلح بكل الاحوال
وبالتوفيق لكم
ومبروك العرس مقدماً وآخراً ومستقبلاً.