من المسؤؤل عن الغش !

[RayQ]

السلام عليكم ورحمة والله وبركاته

العصر طلعت جمسي وأبي اغسله المهم وديته المغسلة سيارات قريبه من

البيت المهم قطيته ورحت ما تفاهمت ع السعر لأني عارف كم السعر

ترى غسيل بستم ومكينة وغسيل كامل المهم ويوم جئت ابحاسبه قالي 45 ريال

انجيت مستحيل 45 المهم ومنا ومناك العماله مصرية على فكرة

تذكرت رقم بجوالي وزارة التجارة قلت خلاص ابدق ع الوزارة وابشوف كم التسعيرة

قالي المصري عايز توجع راسك ليه قالي خلاص مابي منك فلوس قلت لا قال كم تعطيني

عطيته 25 ريال لأني من 5 سنوات وانا اغسل بالسعر

على فكرة دقيت ع الرقم وطلع لي موظف قال مؤ شغلتنا شغلت البلدية ودقيت ع

البلدية قالي الرقم اتصل به لاحق

ابي أسئل من المسؤول عن الغش هذا والله العظيم لو زايد 5 ريال اصدق بس 20 صعبة

[google الحفر]

من المفترض المسؤول حمايه المستهلك بس كلش خرطي

[تركي الوايلي]

وعليكم السلام ورحمة الله وبركاته

المفروض تسألهم كم سعر غسيل السياره قبل كل شيء
علشان ماتدخل معهم في متاهات طويله عريضة ..

ومن ناحية حماية المستهلك او مكافحة الغش

ترى ماحولك احد ولا تتعب نفسك ....

[العالمي 9]

أخوي رايق مع احترامي لك مدري ليش اتوديها للمصريين

موديها لهندي والله يكرفها لك كرف السياره وياخذ منك اقل سعر ناس تشتغل بضمير

مو غش ولا شيء يمكن المصريين نفسهم ارفعوا السعر

ولا رح لهندي وشوف

والله يوفقك

[RayQ]

اخوي تركي مؤ اول مرة اغسلها عارف كم سعر الغسيل حتى لو زائدين زيادة معقولة

اخوي العالمي والله لو ادري انهم مصريين فلا أخليهم يغسلونها بس مغسلة قديمة واخبر عماله

هنود ونزلت السيارة ومشيت ويوم رجعت الا مصريين حتى سألتهم توهم جايين

المشكلة لو يجيهم شائب ويضحكون علية هذا الي يغبن صراحة اتمنى من البلدية المراقبة

ومستعد ابلغ عن مكان المغسلة

[الحوسي3]

ما عندك احد السعر كل واحد يحط من راسة