اشري وناسة خاطري في حلالي ..

[Bent Wael]

ياناشـدن عنـي تـرانـي شمـالـي
بالقاره اللي بيـن جـدلا ومسعـود
البـال رايـق والسحـاب امتتالـي
والطير انا ويـاه طـارد ومطـرود
اشري وناسة خاطري فـي حلالـي
ولاحدن حسيبلي على النقص والزود
خسرت والا جيت فـي راس مالـي
مال العرب عندي مواثيـق وعهـود
كود أنت ياللـي ماتفـارق خيالـي
مثل النفس يفضابك الصدر وتعـود
ودعتـك الله ياحسيـن الـدلالـي
ماينفقـد عبـدن تـولاه معبـود
كانه هبال ابا عتـرف فـي هبالـي
وقول أنا كلـي سلاطيـن وجنـود
وأسجعبك القمرا على عـز والـي
وتوقف الاشجـار وتغنـي النـود
كنـك تعـزع بالجدايـل اقبـالـي
وتعج بالريحـان والمسـك والعـود
هـذي طـراة الـروح ياهمـلالـي
ياللي عسا مالك يحدك على الكـود
وتغيب شمسك ماصرفـت الريالـي
لافارج ٍ كربـه ولا انتـه بمفقـود






















من روائع


الشاعر والصقار المعروف / الرثيع بن حسن الرثيع المطيري


سبب القصيده كان الرثيع تاتيه مضايقات وعتاب ولوم


من والده وشيبان الجماعه لانه طوال الوقت وهو يقنص الحباري

[مطلق بن تركي]

هـذي طـراة الـروح ياهمـلالـي
ياللي عسا مالك يحدك على الكـود
وتغيب شمسك ماصرفـت الريالـي
لافارج ٍ كربـه ولا انتـه بمفقـود

اذا ملو منه جماعته كثر مايروح للصيد ماهى مشكله بس نسب البيت لبوه بعد !!!!!!!!!!!
على كلن قصيده ........... بس حكاية انه يسب ابوه بهذا البيت عزالله انه ماهى طيبه
تقبلى مرورى

[Bent Wael]

اقتباس: المشاركة الأصلية كتبت بواسطة مطلق بن تركي    هـذي طـراة الـروح ياهمـلالـي ياللي عسا مالك يحدك على الكـود وتغيب شمسك ماصرفـت الريالـي لافارج ٍ كربـه ولا انتـه بمفقـود اذا ملو منه جماعته كثر مايروح للصيد ماهى مشكله بس نسب البيت لبوه بعد !!!!!!!!!!! على كلن قصيده ........... بس حكاية انه يسب ابوه بهذا البيت عزالله انه ماهى طيبه تقبلى مرورى

ما اعتقد انه يسب ابوه بالبيت


شكرا لمرورك

[سليم الشرعان]

ماشفت فيه امسبه

على كل حال صح لسانك ولسان قايلها اختي الفاضله للحزن فيني وطن

بارك الله فيك وتقبلي مروري

[ناجي الحفراااوي]

صح لسانك وسلم بنانك اختي للحزن فيني وطن


على نقل هذه القصيده الجزله لهذا الشاعر المبدع..

شكراً لك..

[هنوف نجد]

مال العرب عندي مواثيـق وعهـود
كود أنت ياللـي ماتفـارق خيالـي
مثل النفس يفضابك الصدر وتعـود
ودعتـك الله ياحسيـن الـدلالـي
ماينفقـد عبـدن تـولاه معبـود
كانه هبال ابا عتـرف فـي هبالـي
وقول أنا كلـي سلاطيـن وجنـود
وأسجعبك القمرا على عـز والـي
وتوقف الاشجـار وتغنـي النـود


:

صح لسان شاعرها

وسلم بنان ناقلها

قصيدة رااائعه المعاني

لكــــــــــــ// تقديري واحترامي

[ريم النواااظر]

سلمتي يالحزن للنقل المميز

قصيده جزله المعااني

صح لسانج

[سعود الصعيري]

شدني لها عنوانها


وهو الشطر :اشري وناسة خاطري في حلالي ..


وعندها تذكرت ابو عبدالله


صح لسانه وصح نقلك لها


ولكن هذه القصيده في اعتقادي وان لم تخنني الذاكره

انها بعد وفاة والده رحمه الله واسكنه الجنه


للحزن فيني وطن


ابعد الله عنك كل حزن


نقل مميز




روح وريحان بين يديك