حال الشعب السعودي !!!قولوا لأبو متعب ترى الشعب مقهـور

[الشمالي@]

[align=center]حال الشعب السعودي بعد مهازل الأسهم نعبر بها بتلك القصيده :
ــــــــــــــــ ــــــــــــــــــ
قولوا لأبو متعب ترى الشعب مقهـور ** ياخـادم البيتيـن امسـك عصـاهـا
ضاعت فلوس الناس مع كـل هامـور ** ومثلك يعرف البير ويعـرف غطاهـا
من سي لاسوأ وبين عاثـر ومعثـور ** وسهمك وهو سهمك رموه بخلاهـا !!
كيف اشكي العله علـى كـل دكتـور ** والطب عندك وانـت تعـرف دواهـا
ماخافـو الله خالـق النـار والـنـور ** حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا
سوقك بلون الـدم باسبـاب مغـرور ** يضغط علـى سابـك وكسـر يداهـا
في عشر اواخر نرجي الذنب مغفـور ** قامـوا علينـا قومـة ٍ مـا وراهــا
واعمار صارت دمهـا اليـوم منثـور ** وخاب الرجاء باعمار واللـي رجاهـا
ياما بنينـا فوقهـا ابـراج وقصـور ** وراحت سدى والسوق دحـدر معاهـا
كم شاب قال ابغى اتزوج مـن الحـور ** وافلس وبيره جف مـا شـاف ماهـا
وكم راعي أسره أصبح الصبح مفقور ** العيـد بكـره واسرتـه مـا كساهـا
وقمت اتفكر وادرس الـراي والشـور ** قلت ازبن لصقر العروبـه .. ذراهـا
بكلمه تجي من عنده اليـوم مسـرور ** والسوق يرجع عشب يـروي ظماهـا
يادرعنا لا صـار بالكـون عاصـور ** كم صرخـة ٍ للنـاس تسمـع صداهـا
يالحر00 يابن الحر00 والحر مخبور ** قاد الحـرار الشامخـه فـي سماهـا
ما يلحقك يا سيـدي شـك وقصـور ** لكـن رسالـه ياصـلـك محتـواهـا
انـك ابونـا والرجـا فيـك موفـور ** عدلـك شمـل كـل الديـار وغشاهـا
جوني يعزوني على السـوق ماجـور ** قلـت البقـا بالشيـخ يطفـي لظاهـا
ويرد لون السوق عشبـي ويخضـور ** مثـل علـم دار السعـود وصفـاهـا
خيرك عميم وشاكر النـاس مشكـور ** ومـزن الحيـا عـم البـلاد وسقاهـا
انت الرجا بعد الولـي تدفـع الجـور ** واسلم عساك تـدوم وتحمـي حماهـا[/align]

[align=center]وسلامتكم
al-shemali_1@hotmail.com[/align]

[Mr.Bombastic]

هناك من يتعمد الحاق الخسائر بالمواطن السعودي

والمراد شئ اخر اكبر من المواطن

ولكنها اليد اللي بتوجع


صح لسانك الشمالي

[المغامس]

لاحول ولا قوة الا بالله

[هنوف نجد]

صح لسااااااااانك مليون

[ابطال الحفر]

يعطيك العافية يالذيب

[فهد عبدالله]

الله يعطيك العافيه ياخوي الشمالي

صح لسانك وبيض الله وجهك


والله يطووووووووووول عمر ابو متعب ابا الخيرات

[ಌ حلاها تميمي ಌ]

الله عليكـ


قدمت لنا شامـ خ ـهـ

عانقتـ السـ ح ـاب

.,’

صح لسانكـ مليون و لا يكفون

.,’

بأنتظار مـ ع ـزوفهـ رائـ ع ـهـ كتلكـ

//
\\

ارق و اع ـذب التـ ح ـايا لشخصكـ الكريم

[فديتك]

الله يعطيك العافيه ياخوي الشمالي

صح لسانك وبيض الله وجهك

[جنتل حرب]

ماقصرت بس انا اقوووول

فى فئه معينه تتعمد انها تنزل المستوى المعيشى للشعب

ومعروفين بالاسم بس الله ينتقم منهم

[الشمالي@]

شاكر الي جميع الاخوة