العرب , المسلمون
الأمة بحال يرثى لها
شاروووون لم يقصر
والأمل كل الأمل ببو متعب
يادلتـي ماينفـع الـبـن والهـيـل
خرمان لـو انـي شربتـك لحالـي
والمشكلـه ماهـي دلال وفناجـيـل
المشكلـه هـمٍ يـذيـب الجبـالـي
والحـزن وقتـه دايـمٍ لقبـل الليـل
وانا يجيني مـن جنـوب وشمالـي
واسباب مابي ياهـل القـال والقيـل
واقـع مريـر ولابـه ايـت خيالـي
حنا العرب حنـا زحـول الرياجيـل
ونسائنـا مـن ينجـبـن العيـالـي
كـذا نقـول ونفتخـر دوم بالحـيـل
ومن الثقـه فـي غيرنـا مانبالـي
والي يطالـع يمنـا بـدون دربيـل
يشوف عكس الـي يشـاع ويقالـي
يشوف كـل علومنـا بـس تطبيـل
مفروض ماله عندنـا ايـت مجالـي
مادمنا من الـذل مانحـط مانشيـل
وطاحـت كرامتنـا وصرنـا ذلالـي
وصارو علينـا يجربـون المحابيـل
وعـاادي ولـو يطولـون الحبالـي
ناطا عليهـا مثـل وطـي المهابيـل
والي مايرقص مـن هبالـه يلالـي
حتـى نطيـح وكننـا مالنـا حيـل
وهـذ الـذي حاصـل وهذالسوالـي
من ياخذ الموجز يعـاف التفاصيـل
وخطرٍ عليـه انـه يصيبـه هبالـي
شارون صار من الرجال الحلاحيـل
حتى ولو انـه مـن العقـل خالـي
مشى علينـا كلمتـه أزهـر الذيـل
وصرنا على كيفـه حـرام وحلالـي
صـارت مساكنـا لجنـده مداهيـل
وحنـا غربـا ومشرديـن الأهالـي
هـدم مساجدنـا و حـط التماثـيـل
وحط الكنايس عل يعطـى الزوالـي
دنس علينا القـدس شيـخ الأباطيـل
وقـام يتشيـخ بيننـا ليـن طالـي
نادو صلاح الدين مـن دون تاجيـل
لو ان جسمه باسفـل الارض بالـي
يمكن يحس ودمعتـه قدمـي تسيـل
واشكي عليه احوال الامـه وحالـي
ويقول لي وش صار له في هكا الجيل
لصـار للقـدس وعربنـا مجـالـي
يوم انـه انظفهـا وشتـت اسرائيـل
ويقول لـي شـيٍ بفكـري وبالـي
واقول لـه ماعـاد تجـد التعاليـل
وهـذاك ماضـي باليـال الخوالـي
وانا نعيش بـذل مـن دون ماطيـل
وانـه بعـد مـاراح مالـه بدالـي
ياكود مـن يشفـي قلـوبٍ مغاليـل
والله غيـره يـاعـرب ماطـرالـي
هذاك ابو متعب راع السيف والخيـل
مثل القمـر ماهـو شبيـه الهلالـي
ماقولها مجامل ولا اكذب ولا اعيـل
يشهد علـى ماقـول رب الجلالـي
لـه وقفـةٍ منهـا عدانـا مذاهيـل
عليهم اثقـل مـن صميـم الجبالـي
متمسـكٍ بالديـن جملـه وتفصيـل
جـدد آمـال المسلميـن وأمـالـي
صفوة ملوك العرب من دون تهويـل
ومعـربٍ مابيـن جــد وخـوالـي
للدين عـز وللعـدا حرقـه وويـل
ولشعب جنـه مالـه ايـت مثالـي
ياخـادم البيتيـن مـن دون تطويـل
تبقـى ملكنـا عندنـا دوم غـالـي
وانت الامل يابو الأمـل والمحاصيـل
بوجـودك الاحـلام واقـع ينـالـي
الشاعر
مسعد العفيش الحويمضي
العرض العادي
