مطلوووووووب سياره بالتقسيط

[ام ساااااره]

اقتباس: المشاركة الأصلية كتبت بواسطة حلايا محبوب    حياك الله بياك عندي سيارة هونداي النترا مطلعها بنظام التأجير منتهي بالتمليك موديل 2009 اللون فضي عداد 15 ألف للتنازل قسط الراجحي 1259 ريال للمفاهمة ع الخاص

====================
مشكور اخوي علي مروركبس انا الرياض مانى الراجحي الله يوفقك

[ام ساااااره]

اقتباس: المشاركة الأصلية كتبت بواسطة أسير العنزي    [align=center][glow1=000066]][`~*¤!||!¤*~`][ مرحبا أختي ام سارة ][`~*¤!||!¤*~`][[/glow1] [glow1=FF0000]شوفي وكالة تويوتا ( كامري ) خلي الولد يدلل تراهم يقسطون وخليه يدعي لي تحياتي لك وبالتوفيق [/glow1][/align]

-------------------------------------------------------------------------------------------
شاكره مرورك بس عاد كامري صعبه شوي هو توه صغير ابي اجيبله سياره مستخدمه يتعلم فيها

.....................................تحياتي

[عـــز الخوي]

اختي ام سارة
اذا تعرفين احد بالقصيم او الرياض يطلع لك سيارة عن طريق اوتوستار عليهم عروض حلوة ولا بعد فيه بعض السيارات عليها صيانة بس عليهم شروط شوى صعبه مثل دفع مبلغ مقدماً والكفيل ولا طريقتهم افضل من غيرهم
وترا تعاملهم مرة حلو اخوي اخذ سيارة منهم صراحة اخت الجديدة طبعا اكلمك عن فرع القصيم وحتى يوجد بعض المعارض بالقصيم تقسط لك السيارة عن طريق البنك الاهلى وموجده العروض الآن.

والله يوفقك تحصلين ماتتمنين ــ وتقبلي مروري،،،،،

[النصافي]

اختي ام سارة

فيه سيارة ( إيسيزو ) غمارتين مستعملة الموديل 2007

ماشية 106000 كم مع شخص مستلمها من بنك الرياض على نظام التأجير المنتهي بالتملك

الشروط :

1. أن يكون الراتب على بنك الرياض وأن يكون أكثر من 6000 ريال
2. دفع مبلغ مقدم 7000 ريال لصاحب السيارة
3. القسط الشهري 1265 ريال لبنك الرياض ( الأقساط المتبقية 40 شهر )
4. تكاليف التنازل 3400 ريال

وسلامتك ياأم سارة

[ام ساااااره]

اخوي اشاور واردلك زين

[تركي الوايلي]

اقتباس: المشاركة الأصلية كتبت بواسطة النصافي    اختي ام سارة فيه سيارة ( إيسيزو ) غمارتين مستعملة الموديل 2007 ماشية 106000 كم مع شخص مستلمها من بنك الرياض على نظام التأجير المنتهي بالتملك الشروط : 1. أن يكون الراتب على بنك الرياض وأن يكون أكثر من 6000 ريال 2. دفع مبلغ مقدم 7000 ريال لصاحب السيارة 3. القسط الشهري 1265 ريال لبنك الرياض ( الأقساط المتبقية 40 شهر ) 4. تكاليف التنازل 3400 ريال وسلامتك ياأم سارة

ههههههههه النصافي والله شيء مبالغ فيه الصراحه

يعني كذا اروح لشركه
تويوتا افضلي

اختي ام ساره

اذا ودك بسياره مستعمله ورخيصه انا جاري عنده سياره مرسيدس موديل 84 طبعا السياره من الناحيه الخارجيه ممتازة والمحركات ممتازة
وهو عارضها بـ 2500 ريال اذا تبينها ارسلي رساله خاصه علي وان شاء الله مايصير الا كل خير

تحياتي

[صقر الفهدة]

اقتباس: المشاركة الأصلية كتبت بواسطة ام ساااااره    شاكره مرورك بس عاد كامري صعبه شوي هو توه صغير ابي اجيبله سياره مستخدمه يتعلم فيها

ما شاء الله عليك أختي أم سارة أعجبني تفكيرك .

خذي له صني مستعملة .
وإذا لكم طلعات للبر خذي له نيسان داتسون وإلا هايلوكس غمارتين .

يعني من 5000 إلى 20000 ريال في هالحدود . وارتاحي من التقسيط.

وفيه شركات التقسيط ( تقسيط فلل / سيارات / أراضي / أسهم / أجهزة كهربائية .....)

تشترين المنتج بالتقسيط وتبيعينه كاش يصير عندك سيولة.

يعني مثلا تشترين أسهم شركات بالتقسيط - جائزة طبعا - وتبيعينها كاش تصيرين تقسطين الأسهم والفلوس تشترين بها سيارة . هذا حل .

بس لا تستعجلين.

والشباب إن شاء الله ما يقصرون.

بالتوفيق أختي .

[النقيب]

السلام عليكم
في شركة بالرياض عندها سيارات أجار سابقا للبيع بأسعار مذهلة
الكيا ريو من 4500- 5500 موديل 2004-2005
الاكسنت من 6500-8000 موديل 2003- 2005
لازم تجي وتشوفها قبل لشراء أنا أخذت من عندهم كيا ريو ب 4500 على الفحص ماشية 120000 واعطيتها أخوي الحين لها معه سنه من احسن ما يكون

عنوان الشركة : شركة الجوال لتأجير السيارات - الروضة - 2
واذا فية اي استفسار على الرحب

[الوافي999]

السلام عليكم أخوي النقيب كيف طريقة الشراء من شركة الاجار وهل الاسعار محددة وهل باقي سيارات الى الان واذا فيه رقم تلفون لهم
ولك مني جزيل الشكر

[الدولى]

الله يوفقم ويرزكم