يازمن يكفي من الغربه كفا

[بحّة الشوق]

يازمن يكفي من الغربه كفا
*******طالت الغربه وانا مليتها
غربة البردان لو فيها دفـــــــــــا
*******ماتساوي دمعة(ن) هليتها
يازمن فيك التلاقي والجفا
*******ونه بقلب الشقا ونيتها
مالقيت بغربتي بلسم شفا
*******تجرح جروحي ولا داويتها
هاج موج(ن) كنت احسب انه غفا
*******شتت افكاري عقب لميتها
هاجس(ن) يرحل وهاجوس(ن) لفا
*******كن قلبي يازماني بيتها
وردة الغربه لها وجه وقفا
******* فاحت الأزهار ماشــميتها
يازمن فيك الخيانه والوفا
******* لوعيون الحي تبكي ميتها
واسفا لحالي نعم لا واسفا
*******اســمها الغربه وانا ســميتها


للشاعر/ بدر بن مزن المطيري

[الفارس]

صح لسانك .. ياذوق ..
ولشاعرها الذى ضاغ حروفها بعمق وجزاله

شكرا .. ولا تفيك اخوي

[تركي الوايلي]

صح لسان الشاعر

وصح ذوقك ياخوي بحة الشوق
واعذرني تراني لطشت الصوره اللي في اول القصيده لأنها اعجبتني

[بحّة الشوق]

ياهلا فيكم وحياكم الله .. لاهنتوا ع التواجد

وتستاهل الصوره ياتركي