هني اللّي على صدره حواه

[The Fahad]

بسم الله الرحمن الرحيم

البارحه نفسي هاضها ماهاضها وأنتم خابرين طواري آخر الليل المهم يا الربع لا تواخذوني ترى الشعراء يقولون مالا يفعلون ...... وأحب أنقل لكم ماتوارد على خاطري في ها البويتات وأتمنى تعجبكم يا الاجواد



أنا يا ناس عذبني هواها
............. هوى اللي خدّها مثل المرايا

هني اللّي على صدره حواها
............. وباتت بين نحره والحنايا

جريح القلب ومالي عن دواها
............. دوايا بين معسول الثنايا

وربّي ... ماسكن قلبي سواها
............. ولو خيّرت في كل الصبايا

جمال البيض في كفَه طواها
............. ومامثله شبيهً فاالبرايا

وضوّ البدر ياخذ من ضواها
............. ويملى بالضياء أرضي وسمايا

ألا ويل القلوب اللي كواها
............. خفيف الدم مملوح السجايا



محبكم فهد الظفيري

[ريم النواااظر]

؛

حروف مترفه
تسلب الاحساس والمشاعر
وتعانق بدر الشعر في ليلة تمامه
صح نبضك اخي فهد
ونبض الشعر
لك تحيتي وجل تقديري
ِ

[نايف الهاملي]

الله عليييك يَ فهد ,
جميل جداً هذا البوح .. عآد ليتها سمعتها وليتها تجي :)

صح لسآنك ياخوي وزدنآآ شعررر بعد ..

[The Fahad]

ريم النواظر : صح بدنج و اشكرج على الرد الجميل .

نايف الهاملي : قل الله يجيبها . و صح بدنك .


جميع الـي مروا , شكراَ لكم
وحيآكم الله