[align=center]
أرجو قبولها ..
*
كرهتك كثر حبي لك كرهتك
عــسى الفـرقى عن مــْـلاقاك خيره
ياليتي قبل ماشفتك فقدتـك
أو إن الــشـــوف مفــقــود ٍ نظــيره
بلاني خـالـقي فيك وعشقتك
وحــبـيــتك وأنــا مـاجـبــت سـيره
عشقتك صوت ويوم إني نظرتك
تولعــت بـهـــواك وعفـــت غــيــره
وعلمتك تحبـيـني وشفتك
على درب الهــوى تــوك صغـــيره
سقيتك من حناااااني ماتركتك
وربيتك عـــلـــى إيدي غــريــــره
وإذا زليتي بحقــي عذرتك
أسامح لــو هــي زلاتـك كــبـــيره
هقيت إني بحبي لك أسرتك
حـســبــتك في هواي انتي أسيره
لأني حيل في عطفي غمرتك
عـــيــوني دار لك والقـــلب ديـــره
تفانيت بوفــايه ماغدرتك
عــلــشانك غــدت حالي دمــيـــره
وبعد كل هالوداد اللي وهبتك
لقيـتــك للأسف مــنتــي جــديــره
غدرتي بي ولـكني كشفتك
دروب الــكــذب لـو طالت .. قصيره
أنا يكفيني أفخر ماخذلتك
لأنــي طـيــب ٍ أهــل وعــشـيـــره
على هذا كرهـتك إيه كرهتك
كـــثـــر حبي لك .. وفرقـــاك خــيــره
*
مبارك نايف أبوظهير[/align]