الشاعر ضيدان بن قضعان ومن اروع قصائده

[حطموكـــ ياقلبي]

السلام عليكم ورحمة الله وبركاته
أخواني خواتي أعضاء منتدانا منتدى حفر الباطن (( عاصمة الربيع ))
الكل منا يعرف الشاعر الكبير ضيدان بن قضعان العجمي شاعر مايحتاج إلى مقدمه علم من أعلام الساحه الشعلايه
أترككم مع هذه القصيده ولكم جزيل الشكر
يا وجودي كل ما هبّ صوتك من شمـال
وجد من حدّه زمانه على اللـي مـا يبيـه
ويا وجودي كلما اضحيت ثم مال الظـلال
لا غفت عيني ولا ذقـت شـي ٍ مشتهيـه
وجد من قفّى وهْو في رجا كلمـة تعـال
وإلتفت من عقب ماْ اقفى ..ولا أحد ٍ لدّ فيه
ويا عذابي لا دنا الليل من روس الجبـال
وانتهى يوم ٍ من العمر ما عـاد أرتجيـه
وانتي أبعد من سما الحلم ووصالك محـال
يا بعد من هلّ دمعي ضحى الفرقـا عليـه
يا غناتي لا تحسبين دمعـي يـوم سـال
ضعف ولاّ خوف ..ولاّ كـذا ولاّ كذيـه
والله إني من رجـال ٍ يضـدّون الرجـال
لكن الحظ ّ الردي ..ساق دمعي كـل أبيـه
ووالله إنـي كلمـا دار حوليـك الجـدال
قمت كنّ الموت يشّر علـى قبـرى بديـه
ووالله ان قد لي وانا اصّد لا جالك مجـال
صدّة اللي لا تضايق تذكّـر قبـر أخيـه
ومن سألني قلت مدري..وإذا عاد السـؤال
قلت له تكفى سؤالك تـرى ماهـو وجيـه
وش تبيني اقول عن من ترى ذبحي حلال؟
والخطا منها عليّ..صرت أحبه وأهتويـه
عذرها لو ماْ تْعذّر مثل واضـرب مثـال
واحد ٍ ما يعرف الحـرّ الاشقـر يشتويـه
وان رجعناللتواصـيـف لله الـكـمـال
لاْ انتهى ليـل المزاييـن جاتـك تبتديـه
كنّها غفل ٍ مـع البـدو طاويهـا الحيـال
ما يميّز وصفهـا إلا نبيـه ٍ مـن نبيـه.
وآهني اللي وصلهـا وذاق مـن الـزلال
شربة مع غفلة النـاس مـن فيهـا لفيـه
ياْ اول أحلام الطفوله على حـد ّ الخيـال
الرجى باللي حمى البيت من حملـة بريـه
حال دونك سيف عنتر وتاسع حول حـال
باْثر حول ٍ حال دونك وانا ادعى هيه هيه
هيه ياللي غرّك الحسن واطغـاك الجمـال
والله أني اموت ما شفت لأوصافك شبيـه
لو يسام الحسـن والتيـه بجنيـه وريـال
ما بقى في سوق غيرك ريـال ولا جنيـه
كيف أهدّك للمقادير وانتـي راس مـال؟؟
راس مال ومال..والمال ماْ يعطى السفيـه
حافظك حفظي لعيني ورمشي لك جـلال
وانتي تْشحّيـن بالما..وانـا شفّـي مويـه
شايف ٍ ظلمك وساكت وطال الليل طـال
لا نويتي طعن قلبي وانا ما قلـت ليـه...
لو بقى للهيل صبر ٍ علـى فـوح الـدلال
ما بقى للهيل صبـرٍ علـى شـي ٍ يجيـه
وانتي تْسوقين عقلـي علـى حـدّ الهبـال
تحسبين ان من بغى شي ..يقـدر يشتريـه
ولاّ انا يا وجد حالي وجـود ٍ مـا يقـال
وجد من ضحّى بغاليه لْرضـا والديـه...
ويا وجودي بأول العمر قبل ألبس عقـال
وجد من باع آخر العمر ..في رغبة ذويه
ويا وجودي كل ما هبّ صوتك من شمال
وجد من حدّه زمانه على اللي ما يبيـه

[هنوف نجد]

اقتباس: حافظك حفظي لعيني ورمشي لك جـلال وانتي تْشحّيـن بالما..وانـا شفّـي مويـه شايف ٍ ظلمك وساكت وطال الليل طـال لا نويتي طعن قلبي وانا ما قلـت ليـه... لو بقى للهيل صبر ٍ علـى فـوح الـدلال ما بقى للهيل صبـرٍ علـى شـي ٍ يجيـه وانتي تْسوقين عقلـي علـى حـدّ الهبـال

أختيار راااااااااااااااااااااائع حد الكمااااااااااااااال

صح لسان الشاعر وسلم بنانك لاعدمنااااااااك

[حطموكـــ ياقلبي]

اقتباس: المشاركة الأصلية كتبت بواسطة هنوف نجد    أختيار راااااااااااااااااااااائع حد الكمااااااااااااااال صح لسان الشاعر وسلم بنانك لاعدمنااااااااك

هنوف نجد شاكر مرورك العطر ولاعدمتك وتسلمين ودمتي بود ,,,,,