السلام عليكم ورحمة الله وبركاتة
تحية طيبة للجميع
" جتني رسالة "
جتني رسالة من صدى خافق الروح*** قريتها بحساس قلبي وروحي
قريتها ونهزت قصور وصروح*** وانا من أول عاليات صروحي
تشكي تقول القلب ياخوي مجروح*** ما تدري اني غايرات جروحي
تهل دمع وترفع الصوت بالنوح*** واللي فقد غالي لازم ينوحي
ما كلمتني يمكن الصوت مبحوح*** من النوح ولا ما استطاعت تبوحي
جتني رسالتها بها دموع وجروح*** ونهد بسباب الرسالة طموحي
تقول ياخوي الزمن صار مفضوح*** والشيب فيني لو تشوفة يلوحي
يابو علي ماني بالاغراب مصلوح*** مادام قلب اللي نحبة شحوحي
ودي بشوفك دام الاعمار بفسوح*** قبل الرحم ياخوي منا يروحي
زل الزمان اللي بها افراح ومزوح*** انخاك تكفى لا تظنة مزوحي
وبعد الرسالة صار بالقلب ذابوح*** طار المنام وصار فكري يشوحي
أختي رسالتها لها القلب مفتوح*** كلي لها والقلب ينصت ويوحي
اقولها وادموع عيني لها فوح*** وسط المحاجر دمع عيني يفوحي
ارجى وبالورقى على عالي الذوق ونوح*** على فرقى الرفيق السموحي
والله لو اني وسط الاطباق مذبوح*** لضهر كما خطوة الحصان الجموحي
واقول يا عين المها ما بها شروح*** لو تطلبين الروح تفداك روحــــــي
هنا رابط صوتي للقصيدة http://www.tntup.com/audio/view.php?...1a2c379e3e349a