ابر تبيـييض ( دعوه للنقاش والاستفاده)

[نوني..]

السلام عليكم

بنات ارجوكم واترجاكم صفوا النيه وعلموني بتجاربكم مع حبوب التبييض او الابر بكل انواعها وياليت بالتفصيل

بنات خلونا نفيد ونستفيد اجركم عند ربي مايضيع صدقوني في بنات محتاجين مثلي واكثر مني تخيلوا كم وحدة بتتغير حياتها والفضل بعد الله يرجع لكم ساعدوني انا واغلب البنات اكيد يعانون مثل معاناتي


انا قررت استخدم ابر التبييض قرار نهائي لكن اللي مرددني اخاف اخسر فلوسي على الفاضي

وابي اعرف وش افضل نوعيه وكم الجرعه وكيف طريقة الاستخدام الصحيحه..؟؟


بنات تكفون ساعدوني ..

انتظركمـ

[اثير]

هلا بك نوني

وعليكم السلام ورحمة الله وبركاته

لي عوده

[لينو]

هلا فيك حبوبتي نوني بركن المراه وبالمنتدى عامه ...

بدك الصراحه ما في احلى من الشي الطبيعي ... لكن اذا مضطره فيه اسألي دكتور عن اعراض هالابر قبل استخدامها ...

وانطري عضوات ركن المراه أن شاء الله بفيدوك بخبرتهم

واهلا وسهلا بك مجددا

لك منا كل الاحترام والتقدير

[اثير]

عدة

صديقه مقربه اشترت حبوب التبييض ب 3000 الاف ريال

عشان زواجها لكن في الحقيقه النتيجه الي اعطتها كان تفتيح درجتين او ثلاث لا اكثر
ولا اقل مش بياااض كامل

فيه بالصيدليه كبسولات ايميدين انا استخدمها هي لنظارة البشره فقط وغير مضره

سمعت احدى الزميلات قبل فتره تتحدث عن الهيلورنيك اسيد تقول انها ايضا تعطي مفعول جميل لنظارة البشره

بصراحه الان الناس بداءة تقلع عن الهوس بالبشره البيضاء

وحتى الاجانب نفسهم بداو يسمرون بشراتهم

فيه ابر نضارة البشره بمركز مروم الطبي لكن للامانه ماشفت احد جربها

حاولي تخلين بشرتك صافيه ونضره وصدقيني بتقولين البياض مو كل شي

بالتوفيق

[نوني..]

هلابك لينو

^_^

[نوني..]

هلا والله فيكِ اثير..

انا استخدمت حبوب اميدين ست شهور بسسس كذب لانضارة ولاشي ..

ايش الابر للي استخدمتهم صديقتكِ ....؟؟

لانه فيه انواع وموشرط يناسب الجسم اجسام تقبل واجسام لا...

ومشكوووووووورة علي ردكِ .. اتمني البنات يصيرون مثلك ويخبروني =(

[بـيلــسآن]

نوني حبيبتي ماانصحك ماتعرفين مضارها يمكن تعطيك نتيجه بتفرحك وقتها بس بعد كم سنه البشره نفسها بتتعب وكل شي له مضاره وخصوصا اذا كيميائي ومعروف هالشي فابعدي عنها استعملي خلطات واستمررري اهم شي الاستمرار مو اسبوع لشهر وتملين > كلنا كذا نمل بسررعه بس خلي عندك اراده
وفيه كريمات طبيه ومسرح فيها ونسبة مضارها قليله
عندك الدوكين فورت
وافالون
استخدمي واحد منهم بس استمري اقل شي 3 شهور وبعدها شوفي النتيجه
والله يوفقك وتحصلين النتيجه اللي ترضيك ~

[ساجدهـ]

يالغلا انا بنفسييييي سالت الدكتور اللي بمرووم عنهن لاني قريييييت كثير بنات يسولفن عنهن قاااال::


يجيبن السرطان قسم بالله قالي هالشي وقال هن بالسعوديه ممنوعات لكن موجودات بالكويت والامارات ويقول استغرب ليش محد منعهن للحين لانهن بسسسسسسسسس للي فيهم برص ومبقع جلدهم يخليه يمشي اللون الفاتح على الباقي كفانا الله الشر وياج


مثل ماقالت لج بيلسان استخدمي خلطات واستمرررري
لاتنسين تفاحه يوميا مع فيتامين سي وقولي لا اله الا الله

بعدين حبيبتي الثقه حلووه والبياض موكل شي بالدنيا اهم شي الصحه والعافيه والذوق باللبس والكلام وقبلهن كلهههههن الاخلاق والروح الخفيفه للبنت تجعلها مقبوله عند الكل

سي يو

[نوني..]

اقتباس: المشاركة الأصلية كتبت بواسطة بـيلــسآن    نوني حبيبتي ماانصحك ماتعرفين مضارها يمكن تعطيك نتيجه بتفرحك وقتها بس بعد كم سنه البشره نفسها بتتعب وكل شي له مضاره وخصوصا اذا كيميائي ومعروف هالشي فابعدي عنها استعملي خلطات واستمررري اهم شي الاستمرار مو اسبوع لشهر وتملين > كلنا كذا نمل بسررعه بس خلي عندك اراده وفيه كريمات طبيه ومسرح فيها ونسبة مضارها قليله عندك الدوكين فورت وافالون استخدمي واحد منهم بس استمري اقل شي 3 شهور وبعدها شوفي النتيجه والله يوفقك وتحصلين النتيجه اللي ترضيك ~

مشكووورة يالغلاا ع نصيحه ..

بسس ايش الخلطه للي تخلي الجسم قطعه وحده ..؟!

الخلطات ماراح تعطيني النتيجه للي انا ابيهااا

صديقتي وربي وربي سوووده مب سمرآ واللحين بيضاااااااااااااااء قطعه وحده

لها سنه مااشوف فيها شي ..

[نوني..]

اقتباس: المشاركة الأصلية كتبت بواسطة يسجد قلبي لله    يالغلا انا بنفسييييي سالت الدكتور اللي بمرووم عنهن لاني قريييييت كثير بنات يسولفن عنهن قاااال:: يجيبن السرطان قسم بالله قالي هالشي وقال هن بالسعوديه ممنوعات لكن موجودات بالكويت والامارات ويقول استغرب ليش محد منعهن للحين لانهن بسسسسسسسسس للي فيهم برص ومبقع جلدهم يخليه يمشي اللون الفاتح على الباقي كفانا الله الشر وياج مثل ماقالت لج بيلسان استخدمي خلطات واستمرررري لاتنسين تفاحه يوميا مع فيتامين سي وقولي لا اله الا الله بعدين حبيبتي الثقه حلووه والبياض موكل شي بالدنيا اهم شي الصحه والعافيه والذوق باللبس والكلام وقبلهن كلهههههن الاخلاق والروح الخفيفه للبنت تجعلها مقبوله عند الكل سي يو

مشكووورة يالغلاا ع نصيحه.

والله انا ابتلشت وياااء الدكاتره للي يمدح ولي يسب ..!!!

وانا داشه منتدي للي فيهم بهاق واصلا الابر هذي ماتصلحلهم لانه بيزيد نسبه البهاق عندهم.

والله ابر تبييض كانها اول ما طلعت الخلطات والليزر هذا يجيب سرطان هذا يجيب مرض

والناس من طلعه الدنيا يستخدمون الخلطات ومافيهم الاالعااافيه وهم الليزر اعرف بنات كثير

مستخدمينه ومافيهم الاالعافيه مااشششاءالله .. والله يكفينااا شر الامراض اللهم امييييييين..

انا لما كنت عند مدى العنايه الطبي قالي يجوني شباب يطقون ف الابر يقول انا ماعرفتهم من ثالث ابره

وهم منار الطبي تقول شباب وبنات يجون بالهبل ..

ياليت الشباب يدشون ويخبرونا ف تجاربهم بدال البنات =(