احبتي والله انني احترمكم جميعا من مرشحين وناخبين
ولكم مني كل التقدير والاحترام,,,,,,ولكن
في اليوم الواحد نتفاجأ بوجود مرشح في المجلس يستجدي ان اصوت له
ويتشره بانه ابن عم او صديق قديم او قدم خدمه لشخصي او,,,,,,او,,,,,,
وهنا أتسأل بالمعنى البلدي ليه الطراره ,,,,,
إن كان ترشحكم لخدمه المحافظه واهلها فبرامجكم الانتخابيه هي الحكم وهي الفيصل
وانا املي كبير في شباب المحافظه المتطور عقليا وتنمويا بأنهم سيبثحون عمن يخدمهم
لامن يخدموه,,,,,,,,,,,,,,,تقبلوا هذه الابيات البسيطه للشاعر حسين بن على لوتاه
شدني كثر التنافس بالصور
والوعود اللي لها وزنٍ كبير
والأماني بالحياة اللي تسر
للمواطن والوطن شيءٍ كثير
الشوارع أصبحت دور النشر
وين ما تنظر ترى وجهٍ نظير
كلهّم يتخيّل أقواس النصر
يرتجي دعمٍ من الجمع الغفير
يا كثرهم يا كثرهم يا كثر
بعضهم يدري وأكثرهم غتير
حد اتعرف به أبيات الشعر
وحد متطور وصوته بالأثير
وحد قال الرأي عندي مختصر
بوجزه بكتاب ومجلد صغير
وبالرسايل حد أصدر له أمر
(رن لي رنه وتصبح لي نصير)
وحد قام ايدق ناقوس الخطر
فتحه الأوزون موضوع ٍ خطير
وحد قال الوضع يبغى له سحر
اتركوني يا جماعة بستخير
وحد أعمى بالبصيرة والبصر
واللقب أستاذ دكتور وخبير
وحد لو خربط يسموّنه فكر
دامه بأموال جيبه يستنير
بعضهم صدق كلامه وافتخر
بالصور يخطب وبشته من حرير
ما يبالي دام مسنود الظهر
إن وصل بيبهدل أوضاع الوزير
وحد يتكلم ولا عنده خبر
وحد يمشي ولا دري وين المسير
الجميع يحّن للّون الخضر
ف الجواز اللىّ إذا صاروا يصير
للمناصب يزحف الزحف الأغر
والعضو في مجلس ٍ شيءٍ يثير
امتيازاتٍ بلا عد و حصر
والجرايد تذكر الاسم وتشير
والوسايط كثر تعداد البشر
ما يدوم الحال والكرسي يطير
والذي أدهى بها الأمر وأمر
شيء يبكي ويضحك ف الأخير
حد معلومات والمنطق صفر
أبيض امن الثلج لا شرٍ وخير
المهم أنه ترشح وانتظر
ولا له أمن العير شيءٍ والنفير
إن نجح بيزيدنا طولة عمر
ما يموت إنسان عن عمرٍ قصير
في حياته ما عرف عود وعطر
ومن تبخر احترق ذاك الفقير
اسمحوا لي كلها وجهة نظر
لااني مرشح ولا وضعي خطير
لمـــــــاذا تتوسلون يامرشحين
العرض الشجري