(( يا خسارة ))
واعذابي كلمـا الشمـس مالـت للمغيـب && لاقبـل الليـل اِيتجـدد عذابـي ياهـلـي
غيبة الشمس ودجى الليل معها وش تجيب && غير هاجوس بصـدري ونـار تصطلـي
هم صـدري ماكشفـه للبعيـد وللقريـب && واتظاهـر بالسعـاده ولـو ماهيـب لـي
احتسب لو شفت من جور وقتي مايريـب && ومن نشدني قلت طيّب وانا مانـي بشلـي
والله لارقية مطوع . ولا وصفـة طبيـب && تترك اللي لاجي فـي ضميـري ينجلـي
والخيانه سيفهـا ثالـث إسـلاح صعيـب && ورمح ابن غانم وسيف ابن ابي طالب علي
الثلاث القاتله مـن سلـم منهـا عطيـب && حكمـة يشهـد عليهـا الزمـان الاولـي
وانا بين أهلي وفي ارضي ولكني غريـب && كن مالي ولد عـم . ولاكـن لـي صلـي
عايش ٍ غربة زماني . وخايني إصحيـب && والخيانه تِعطـب اللـي تنـوش وتقتلـي
الخيانة. اخس يا سيفها الساطي واهيب && أثر ما ينفع بوجهك شجاعة واصملي
آه يا صبر آل ياسر وياهمت شعيب && عززيني في مصادم زمان دس لي
أرتفع صوتـي ينـادي ولاجالـه مجيـب && من هذاك اللـي سمـع صوتـي ولالدلـي
واتضح ماعاد لي فيـه حـظ ولانصيـب && وصرت اسولف في ضميري واردد مايلي
ياخسارة طيحة (ن) طحتها لجل الحبيـب && والنهايـه لامسكنـي ولاسـمـى عـلـي
الله أكبـر ماتوقعـت هقواتـي تخـيـب &&في محبـة مـن بحبـه طمـوح ومملـي
ساقني لمساهر الليل . ومصـالا اللهيـب && صادق إحساسي وطيبي وطيشي وإجهلـي
لين عاهدته وسلمت له مـن بـاب طيـب && قلبي وفكري . وضحيـت فـي مستقبلـي
والنتيجه ضيعة الرشد . والوضع الكئيـب && والحياه إيست منهـا .. وبركـت إجملـي
والله ان جاني من الحب . قولة بن شبيـب && (مثل ماجا الاتصـالات مـن موبايلـي )
بس لاتنصح ترا النُصح يجـرح يالبيـب && والضمايـر بالعبايـر تفيـض وتمتـلـي
وانت خابر طيحتي طحتها لجـل الحبيـب && والنهايـه لامسكنـي ولاسـمـى عـلـي