مساعده يا اهل حفر الباطن نخيتكم

[ملك احساس]

سلام عليكم ورحمه الله وبركاته
يا اخواني انا توني متعين جديد في حفر الباطن عسكري ودوامي راح يكون في 26/8/1432
ابي منكم تساعدوني وتدلووني
اول شئ انا متعين في القوات البريه في الاسناد الهندسي السادس ابي اعرف عنوان الاسناد الهندسي السادس لان دوامي فيه ؟

انا ما معي سياره ابي اعرف في مواصلات في الحفر توديني لاماكن يلي ابيها او ما فيه اذا فيه دلوني عليها الله يجزاكم خير ؟

وين تنصحوني السكن فيه في الحفر الباطن قريب من المواصلات عشان اداوم لدوامي ؟

ارجووا مساعتدكم اخووواني بانتظار ردوودكم اي شئ عندكم تفيدوني فيه لا تقصروو وياي
تحياتي لكم

[أبو راشد]

عندنا اخونا تركي الوايلي يعرف المدينه العسكريه بيت بيت دار دار زنقه زنقه يمكن يفيدك
فيما يخص السكن انصحك تسكن في الذيبيه في سكن عزاب وقريبه لك لان مامعك سياره
والذيبيه فيها استراحات وغرف للعزاب واغلب سكانها 95 % من منسوبي القاعده
والمسافه قليله . عكس الحفر المسافه يمكن توصل 60 كيلو رايح و60 جاي
وان سكنت في الحفر اانصحك تسكن في حي النايفيه لان هو اخر حي وانت طالع للقاعده
في استراحات عزاب عند اشارة محطة الرياض بأتجاه الشرق بالقرب من محطة تحلية المياه

فيما يخص المواصلات عندنا شوي فيها معاناه مع ان في ليموزينات لاكن قليله وتغطي
الاسواق فقط ولاكن في ناس تشتغل على سياراتها وتحصلهم امام محطة الحويلا
او محطة الشريع وهذاك المكان تحصل فيه عسكر كل صبح يركبون مع الاجره
بمعنى يجمع ثلاثه او اربعه وكل واحد بعشر ريال تقريبا

ولاكن نصيحه اول ماتجي استأجر في فندق يومين الى ثلاثه وعندك فندق الخليوي في حي الفيصليه
على الطريق العام واسعارهم رخيصه ماتتعدى 80 ريال وابحث عن السكن عند المكاتب
واختار حي النايفيه واذا عندك مشاوير خاصه داخل الحفر تعامل مع سائق ليموزين خذ رقمه
واي مشوار تبيه اتصل حتى تفرج ان شاء الله .... او استأجر سياره كم يوم ومكاتب التأجير
تحصلها امام فندق الخليوي ايضا اكثر من 15 مكتب حتى تحل امورك ..

فيما يخص عنوان الاسناد بحاول اجيبه لك الليله من شخص يعمل هناك والله يوفقك
وحياك الله بالحفر واي استفسار اخر حاضرين

[وايلي501]

اقتباس: المشاركة الأصلية كتبت بواسطة ملك احساس    سلام عليكم ورحمه الله وبركاته يا اخواني انا توني متعين جديد في حفر الباطن عسكري ودوامي راح يكون في 26/8/1432 ابي منكم تساعدوني وتدلووني اول شئ انا متعين في القوات البريه في الاسناد الهندسي السادس ابي اعرف عنوان الاسناد الهندسي السادس لان دوامي فيه ؟ اولا الف مبرووووووكــ ع الوظيفه *** والله ما اعرف الاسناد الهندسي بالقوات البريه لاكن يجيك الخبير تركي الوايلي يجاوبك انا ما معي سياره ابي اعرف في مواصلات في الحفر توديني لاماكن يلي ابيها او ما فيه اذا فيه دلوني عليها الله يجزاكم خير ؟ بالنسبه المواصلات شبه معدومه وين تنصحوني السكن فيه في الحفر الباطن قريب من المواصلات عشان اداوم لدوامي ؟ انصحك اذا ما تملك سياره بالسكن قريب من دوامك ارجووا مساعتدكم اخووواني بانتظار ردوودكم اي شئ عندكم تفيدوني فيه لا تقصروو وياي تحياتي لكم

بالتوفيق وان شاء الله يفيدونك الاعضاء

[أبو راشد]

نزل موضوع البحث عن سكن هنا

عقارات حفر الباطن - منتديات حفر الباطن عاصمة الربيع

بيجونك راعين المكاتب ويفيدونك بكل شي

[ملك احساس]

يعطيك العافيه اخووووي مخاوي بيض الله وجهك والله يوفقك دنيا واخره انتظر العنوان منك لا هنت اخووي
فديتكم يااهل حفر الباطن

[أبوفيصل]

أعتقد إن نفس عملك يعطونك غرفه بداخل مدينة الملك خالد العسكرية , بس تأكد ونتمنى إلي يفيدك , والله مجالي ماهو عسكري وإلا كنت أفدتك.

[ملك احساس]

اقتباس: المشاركة الأصلية كتبت بواسطة أبوفيصل    أعتقد إن نفس عملك يعطونك غرفه بداخل مدينة الملك خالد العسكرية , بس تأكد ونتمنى إلي يفيدك , والله مجالي ماهو عسكري وإلا كنت أفدتك.

يعطيك العافيه اخوي الله يوفقك ياررب دينا واخره
ان شاء الله القى سكن داخل المدينه يارررب
ان شاء الله يجون يفيدووني اعضاء المنتدى يارررب

[أبو راشد]

جبنالك الوصف اخوي
اول ماتدخل مع بوابة مدينة الملك خالد وتمشي سيدا سيدا وتعداء التقاطعات كلها لين يجيك اول دوار
خش معه يسار وامش سيدا سيدا وبعد كيلو تقريبا يجيك طريق فرعي يمين ( انتبه لاتخش قبله لان في تقاطات صغيره تروح يمين وهذي تودي للسكن ) اول طريق فرعي يمين ادخل معه كأنك رايح لادارة المدينه امسكه الطريق سيداء سيداء وانتبه ترا فيه لفات قويه
يسار ويمين حتى يجيك حرف تي اما يسار او يمين ... خذ مع التقاطع يسار وروح سيداء طال عمرك
مسافة كيلو او كيلو ونص تشوف لوحة كتيبة الاسناد الهندسي على يدك اليمين ..
امسك الوصف هذا وتوصل لمقر عملك ان شاء الله وفي سكن فعلا للعزاب في كل كتيبه ووحده
حاول انك تسئل الافراد زملائك في العمل او الضباط المسؤولين واشرح لهم وضعك بعدم وجود
سياره وانك جديد على المنطقه ولاتعرف شي وبتلقى الفزعه ان شاء الله ..

[ملك احساس]

اقتباس: المشاركة الأصلية كتبت بواسطة مخاوي الرجال    جبنالك الوصف اخوي اول ماتدخل مع بوابة مدينة الملك خالد وتمشي سيدا سيدا وتعداء التقاطعات كلها لين يجيك اول دوار خش معه يسار وامش سيدا سيدا وبعد كيلو تقريبا يجيك طريق فرعي يمين ( انتبه لاتخش قبله لان في تقاطات صغيره تروح يمين وهذي تودي للسكن ) اول طريق فرعي يمين ادخل معه كأنك رايح لادارة المدينه امسكه الطريق سيداء سيداء وانتبه ترا فيه لفات قويه يسار ويمين حتى يجيك حرف تي اما يسار او يمين ... خذ مع التقاطع يسار وروح سيداء طال عمرك مسافة كيلو او كيلو ونص تشوف لوحة كتيبة الاسناد الهندسي على يدك اليمين .. امسك الوصف هذا وتوصل لمقر عملك ان شاء الله وفي سكن فعلا للعزاب في كل كتيبه ووحده حاول انك تسئل الافراد زملائك في العمل او الضباط المسؤولين واشرح لهم وضعك بعدم وجود سياره وانك جديد على المنطقه ولاتعرف شي وبتلقى الفزعه ان شاء الله ..

يعطيك العافيه اخوووي وربي انك ما قصرت والله يوفقك يارررب دنيا واخره وراح اظل ادعيلك اخووي
مشكوووور بيض الله وجهك مدري شلوون ارد جميلك بس اي شئ تبيه انا حاضر فديتك

[أبو راشد]

على فكره : بمجرد وصولك للبوابه ايضا تقدر تسئل الشرطه العسكريه عن العنوان هم متعاونين مع الجميع ان شاء الله