الطير ضيـٌع ياهوى البال عـِـــشــــــــه
والشمس غـابت وانتهى فيك مشـــــوار
،
،
وامسيت ادور بالقرانيس بـَــشـَـــــــــــه
يمكـن تليق إبخـاطر إنسـان محـــــــتار
،
،
هاذاك لاهي في موازين دِشــــــــــــــه
وهاذيك ترقص بالخفا رقصة الـــــــــزار
،
،
والحور تـِخفي بين الاجناب نــــقــشـــه
لين الحيا يرسم مع الدين .. أبـــــــــــرار
،
،
واللي يحشك بالحكي لاتحشــــــــــــــه
هقواي إنه بين الاخيار ثرثــــــــــــــــار
،
،
إن قلت مثله تمسي ابـأرض هشــــــــــه
والناس تنقل بالخفا وصمة العــــــــــــار
،
،
والهرج واحد لو غـرابـك تهشــــــــــــــه
بالـعـون مـاتمســي مع النـاس مغــــوار
،
،
خـله وطشـه ثم خـله وطــــــــــشــــــــه
يكفيك تصبــح بين الاخيار .. مـخـتـــــار
،
،
واللــي ٌ يغشك بالحكي لاتغــــــشـــــه
خلك حكيم ٍ واكتم الغيض بالــــــــنــــار
،
،
الضيم ينفخ والمراجل تِفشـــْـــــــــــــــه
والجار جارك بالملازيم .. ون جــــــــــار
،
،
ولا بــد شي ٍ في ضلوعك تخــــــشـــــه
حتى يكون ابسيرة الروح تـذكـــــــــــار
،
،
وزرع ٍ زرعـتــه يصعب اليوم حـــــــشـــه
والشوك يبني بالقهر سور وجــــــــــدار
،
،
إسقه وخـله ثم إرجع .. ورشـــــــــــــــه
يمكن تفوح إبطينته .. ريحــــة ازهـــــار
،
،
الطـــيب واحــــد والحنايا تكـــــــــشـــه
واحـــذر تصير إبسيرة الناس جــــــــــبار
،
،
واللي ٌ قصــم ظهر البعارين .. قــَشــَــــه
في وسطها جملة تفاصيل واســــــــــرار
،
،
وســلام يــاللي ٌ ودع الـــقلب .. بَرَشَــــــه
بالناس تلقى من يحـــــطك مع اصغـــــــار
،
،
يمــكن أنــا فيني مع الطيش .. وَشـَـــــــه
ولا غرامــــــــــك ودع الحـــــــب وانهــــار
،
،
والـطيــر ضيع ياهوى البال عــــــــــــشه
والشمس غابت وانتهى فيك .. مشـــــــوار
العرض العادي
