ونبدأ اولا بـــ: الحباري
هي المفضله لدي الصقار والقانص فهو يفضلها على ماسواها يعنــي
لو تجي صقار وتقوله فيه 5 كراوين وفيه حباري ويش تبي؟؟ يقولك
على طول: ابي الحباري الكراوين ويش ابيبها جعل القوم اتصيدهـــا
هذا صحيح يضحي بالكراوين من اجل حبارى, فالحبــــــاري تختـلف
عن الكروان قليل فهي في الليل تعشي مثل الكروان ولكنهــــا اذا قرب
نصف الليل تاخذ لها غطه (غفوه) حتى الصباح وبعض الحبــــاري
بينما هي نايمه يصيدها ابي الحصين وتروح ضحيه نومه او في مكان
عتش اي شجره كثيف فتجد بعض الحباري وانت تقص جرتهـــــــا اذا
شافت الوعر تتجنبه خوف من الافتراس او الفخ.واذا اطلعت الشمـــــس
تجدها تسير على جهه الشمس قليل ثم تذهــــــب الى حيث شاءت واذا
انتصف النهار تمشي بتأني وعلى الراحه وهي تطالع لفوق وذلك خوفا
من الحوم حوم الطير لانه لو شافها حول عليها واذا جاء اعصير تكثـر
في المشي هذا اذا كانت عابــره اي ماهي رابه في محل معين لان اللي
ترب محل معين ماتتعداها ليلها ونهارها فيه واذا احست الحبــــــــارى
بخوف تجري او تخمر خوف من ان يراها العدو.اي كان انســــــــــــان
والا طير والا حيوان
اما النوع الثاني الذي يفضله الصقار بعد الحبارى فهو :الكروان
يكون في الليل يمشي بحث عن الاكل وهو لايتوقف في الليل ابدا ماغيــر
يدوج بالفياض لما يظهر عليه نور الصبح فاذا قرب طلوع الفجـــر بحث
عن حصاة او جرم او شجره تكون صغيره لانه يخايف يلبد تحت اشجره
كبيره فيفاجه العدو (ابو الحصين او قطو او كلب او راعي مشعـــــــاب)
فيختار الاشياء الصغيره لكي يرى من جميع الجهات.
ويأتي في المرتبه الاخيره :الارانب
وتاتي المرتبه الثالث للصقار وفيه صقاقير يفضلونها بعد الحبـــــــــارى
والكروان مايقنصونه.والارنب نفس مخطط الكروان في الليل ساريـــــه
وفي النهار رابضه, ماتتحرك في النهار الا يحركها احد ويستـــدل على
الارنب بجرتها فذوات الخبره يعرفون من حركـــات ثرها متى هل هي
اول الليل او منتصف الليل او اخره
والارنب سريعه جدا ويفضولون صيدها بالسلوقي وبعضهـــم يحب يهد
طيره عليها
اما اذا كانت في القيض فتحصلها وقت الحراره امام جحــــرها لتقي نفسها
حراره الشمس فتشوفها على بعد وهي شديده المراوغه
من الطير ومن السلوقي .
ولكم قصيدة الشاعر / سالم المري
يابو بدر شل العزب وانقل الطيــــــر
وخل البلد لاهل البلـد يسكنونهــــــــا
سهيل بين له شهر واقبـل الخيـــــــــر
واهل الطيور الجاهـزه ينقلونهـــــــــا
والحر راح ولا بقى منـه تاثيــــــــــر
وانتوا اعلوم العرف ماتجهلونهــــــا
قدم بجـازه عاجلـه دون تاخيــــــــــر
واهتم بالموضـوع لا يخرونهــــــــا
ويجعل يسقى لاقنصى على خيــــــر
فـي ديـرة الانـذال مايدهلونهــــــــــــــا
انا وابـو سالـم وربـع مناعيــــــــــــــر
كـل العلـوم الطيبـه يحتونـهـــــــــــــــا
والكل منهم مايحسـب المخاسيـــــر
وكل الفعـول الطيبـه يفعلونهـــــــا
ويازين شب النار لا شبت اعصير
بين الرجال اللي باعـد اظنونهــــا
ومن بينهم تـدرج ادلال مباهيــــــر
تدرج على اهل الطيب يستاهلونها
وان سولفو محد جرح خاطر الغيـر
سوالـف الاجــداد يداولونـهــــــــــــــا
هذه طراة الروح قبـل المقاديـــــــر
قـدام مالايـام تقفـي اظعونهــــــــــا
وجعل المزون اللي مطرها شخاتيــر
تنشي على الرمله وتمطر امزونها
تمطر من الخرخير حتى الجوافيـر
وعلى اديـار لابتـي يرتعونهـــــــا
تحياتي لك اخي وصديقي مشرفنا الضامي ولكل محبين منتدانا الشامخ دوما وابدا