*$$ ^^ طريقة عمل الروب ( الزبادي ) بالبيت بالصور - حياكم *$$ ^^

[خــ ج ــل]

انا عادة اسوي الكمية بالنظر
بس اليوم عشانكم قستها بالكوب
عشان تكون اسهل للتطبيق

والروب عبارة عن لبن اختمر بفعل التفاعلات البكتيرية،


وعملية الاختمار هذه تفصل عنه الدهنيات،
والمواد الزلالية تتحول إلى مستحلب رطب سهل الهضم،
والسكر يتحول إلى حمض يشبه حمض اللبنيك.

المقادير :

13 كوب ماء
30 ملعقة كبيرة مليانة حليب بودرة ( أنا افضل التموين )
علبة روب كامل او نصف دسم (او ما يعادله من روب البيت عندك )


انا مخصصة تبروير للروب
وما أنصحك ابدا تسوين الروب بماعون ستيل لأنه الحموضة بتخربه لج


هذه صورته حجمه كبير شووي





الطريقة :

- اخطلي الماء والحليب واغليهم على النار وانتبهي لا يحترق الحليب ويمسك بقاع الجدر وتصير فيه ريحة

او عندك خيار ثاني انا اسويه دايما

اغلي الماي اولا بروحه وبعدين اضيف الحليب الوردة واخلطهم عدل بالخلاط او المشبك
وبتلاحظين بيذوب بسرعة مع حرارة الماء




- اتركيه على جنب يبرد لما يصير دافي بس مو حار ( يعني فاتر فيه سخونة شوي بسيطة )

- ضيفي عليه علبة الروب وخلطيهم عدل ولفي الطاسة بفوطة ودعسيها بالفرن ( مكان دافي بدون لا تشعلينه طبعا )

- انا عادة اسويها بالليل والاقيها رايبة ما شاء الله الصبح وادخلها الثلاجة .




وهذا صحيني العنونو امس







تقدرين تستخدمينه لــ :

* اللبن
* تتبيله للدجاج واللحم
* للأكل ويفيد في ازالة شحم البطن حسب كلام دكتور التغذية
* للسلطات
* للشعر والوجه ( ماسكات )


وعلينا وعليكم بالعافية


تعليقي:
ترا هالموضوع منقول يابناات..بس انا مجربته من زمان والطريقه مضبوطه ميه بالميه...وانا دايم احط مرات روب خاثر حق الغنم يطلع الزبادي بالاخير مثل حق الغنم..

دعواااتكن ياحلواات

[موكا موكا]

يااااسلام عليتس ياخجوووووووووله
الله يعطيتس العافيه على هذه الطريقه السهله..
كنت من زمان ابي اسوي هالخاثر وماعرف له
فديتس روحتس
طريقه سهله وواضحه
تسلمين يالغلا على النقل..
دائما تجيبين المميز يامميزة..

[لينو]

يا عيني عليك يا خجل صايره فنانه
شوفي يا قلبي ماما بتعملنا اياه دائما ..
وفعلا الطريقه صحيحه
تسلم اديك على نقله

[ام فنان]

واو خجل طريقه زينه تدرين ماعمري جربت ومشكوره على الموضوع الحلو ياحلوه

[سكر نبات حلو]

اهلين خجل مشكوووووورة يالغلا على هالطريقة

مرة سويته بس خرررررررررب ماراب لاني حطيت الزبادي والحليب يغلي

[خــ ج ــل]

اقتباس: المشاركة الأصلية كتبت بواسطة موكا موكا    يااااسلام عليتس ياخجوووووووووله الله يعطيتس العافيه على هذه الطريقه السهله.. كنت من زمان ابي اسوي هالخاثر وماعرف له فديتس روحتس طريقه سهله وواضحه تسلمين يالغلا على النقل.. دائما تجيبين المميز يامميزة..

الله يسلمج حبوبه..فعلااا ترااه هو لذيييييييييذ جداااا خاصه بالشتا مع خبز التنور ياماااااامي يطير العقل ههههه...الله يسعدج على هالطله

اقتباس: المشاركة الأصلية كتبت بواسطة لينو    يا عيني عليك يا خجل صايره فنانه شوفي يا قلبي ماما بتعملنا اياه دائما .. وفعلا الطريقه صحيحه تسلم اديك على نقله

الله يسلمج حبيبتي..وسلميلي على امج

[خــ ج ــل]

اقتباس: المشاركة الأصلية كتبت بواسطة ام فنان    واو خجل طريقه زينه تدرين ماعمري جربت ومشكوره على الموضوع الحلو ياحلوه

جربيها وشوفي شلون الطريقه تمااام ..ربي يسعدج يارب

اقتباس: المشاركة الأصلية كتبت بواسطة سكر نبات حلو    اهلين خجل مشكوووووورة يالغلا على هالطريقة مرة سويته بس خرررررررررب ماراب لاني حطيت الزبادي والحليب يغلي

هلاا وغلاا ومية هلا
يااااااااسعدي على هالطله....
ايه انتبهي لمن تبين تحطين الروب عليه لازم الحليب يكون دااااااااااااافي لاهو بارد ولاا حااااااار
ومرات ماايصير الروب معاي الا بعد يوم كااااامل حسب الاجواء اذا بااارد يبي دفا اكثر عشاان يخثر..

[شقاؤتي رمز حلاؤتي]

ررروووووووووعه تسسلم هالايااااااااددددي

[sarahe]

والله أبدعت تسلميلي

[ام فايز]

يعطيك العافيه