على كيفه يسكر الشارع ويسوي مطب كنه جبل ويخرب سيارات العالم
وش الحل؟!
على كيفه يسكر الشارع ويسوي مطب كنه جبل ويخرب سيارات العالم
واللي يخرب السيارات ويزاحم الناس بالشارع هذا مفسد
وياكثرهم بحفر الباطن
اللي حاط كفرات
واللي بلك
واللي مطب
واللي حاط مبعثرات على الشارع
وين حنا بساحة حرب؟؟؟
ترا الشارع مو حقك تسكر وتبني مطب وتحط بلك وماأدري وش
حسبنا الله ونعم الوكيل على كل ظالم ومفسد
رد: على كيفه يسكر الشارع ويسوي مطب كنه جبل ويخرب سيارات العالم
بصراحه انا مالومه لاني اعاني من هالمشكله قدام بيتي شارع بصراحه ازعاج من الناس الهمج يمرك كأنه ماسك خط سفر سرعه جنونيه ماهمه منطقه سكنيه يمكن جاهل يقطع شارع او ناس تمشي رجليه هذا غير الدرباويه واستعراض اخر الليل
رد: على كيفه يسكر الشارع ويسوي مطب كنه جبل ويخرب سيارات العالم
اخي قهر
هالنوعية اللي تقول عنها بعضهم فقدو اطفالهم بسبب الدهس من السيارات اللي بعضه الله يهديه يمشي متين تقل بخط سريع مو داخل حارة واتوقع هالرجل تعب من المطالبات بوضع مطب مام بيته ولكن لاحياة لمن تنادى وعمل المطب من نفسه بعد ما ايس من المطالبات وخوفا على اطفاله واطفال جيرانه فهذه انا لا الومه والله يستر على كل مسلم من كل شر
رد: على كيفه يسكر الشارع ويسوي مطب كنه جبل ويخرب سيارات العالم
أعزائي COOD909 والجلاد
إن حي السليمانية معروف بكثرة تواجد الشاحنات
والشارع لحاله ضيق جدا
وعند مرور تريلا في هالجحر (الشارع) سوف تضايق السيارات المارة ومن الممكن أن يحدث احتكاك بين السيارة والشاحنة
وإذا كنت بتسوي مطب سو لكن وفق المواصفات (سوو قطية وجيبو شركة متخصصة أو بلغو مكافحة الفساد لعدم تجاوب البلدية)
لكن مو تأذي غيرك ترا مو الكل ضارب النظام عرض الحائط
ويجب الإنتباه على الأطفال والحفاظ عليهم داخل سور المنزل مو ورع عمره 6 أو أصغر أو أكبر يتمشى بالشارع الساعة 1 بالليل
مو تقفل الشارع ببلك
ومطب لوتمر عليه سيارة يكسر لها كارتير الزيت
رد: على كيفه يسكر الشارع ويسوي مطب كنه جبل ويخرب سيارات العالم
اللي يسأل عن الموقع ياأخي اذهب الى حي الروضة ( حي الرخيص ) راح تشوف العجب مو بس مطبات راح تحصل حفريات كلن مقفل النوافذ أمام منزله مايبي السيارات تزعجه
وكل بيت أمامه أعزكم الله كم كلب يحرس البيت .... حدث ولا حرج مادام مراقبين البلدية نايمين ولا ياخذون جولات بالأحياء ... شي طبيعي تحصل التعديات اللي نشوفها .