هذة القصيدة كتبتها مجاراة لقصيدة الذاهبة
وهذي مشاركتي الأولى معكم:
[align=center]حركت فيني المشاعـر ذاهبـة محـد وجدهـا
ماتت أغلـى ذاهبـة وانتهـى حلـم المدينـه
اثرها حامل وجابـت طفلـةٍ حلـوة بمهدهـا
الهنوف اللـي حلاهـا حيّـر عقـولٍ ذهينـه
قلت انا ياناس عاشق راجعـة كـلٍ حسدهـا
لا الشعر جاب الوصايف ولا الرسم حاول يعينه
شعرها ليلٍ طويـلٍ يسكنـه شاعـر قصدهـا
والشفايف غيمةٍ تمطر عسـل تغـرق سفينـه
بشرّوني بالخطوبه وحزننـا غنّـى لسعدهـا
حينها راحت حياتي والأمـل غابـت سنينـه
رحت بأعلى الرجم انادي ياعرب وينه عهدهـا
وردت العربان قالت في تبوك امسـت رهينـه
زوجوّها وابعدوها وش حياتـي مـن بعدهـا
زوجوهـا واحـدٍ عايـش حياتـه بالمدينـه
ومن بعدها كم غدير وكم ربيـع اللـي فقدهـا
وامست العربان تسأل هـو رحـــل؟ الله يعينـه
ورحت ادوّر عن سكنها عن وطنها وعن بلدها
كني ذيـبٍ بالفيافـي مالقـى صيـده ثمينـه
وراحت ايام السعادة براجعـه محـدٍ وجدهـا
وعشت عمري بالعذاب وكلي جـروح دفينـه
واحسايف راح عمري ومابقالـي مـن بعدهـا
غير ذكرى هالغدير اللي تجـي بينـي وبينـه
واعذابـه واشبابـه ياهنـوفٍ قـد فقـدهـا
شاعرٍ هـزّت كيانـه بنـت شيـخٍ مستهينـه
يامنى عمري فدالك والسمـاء تمطـر بردهـا
خوذي عمري واذكريني عاشقٍ ماتت سنينـه[/align]
وسلامتكم
مجاراة لقصيدة الذاهبة والمشاركة الاولى معكم
العرض العادي
