دخلت بيتا يسكن به شايب وزوجته العجوز
ذهب الشايب يصلي صلاه الفجر في المسجد بعد أن لبس وتوضى وفي نص الطريق عثرته وطاح وتوسخة
ملابسه قام ورجع للبيت وغير ملابسه وتوضى وراح يصلي وفي نفس المكان عثرته وطاح وتوسخة ملابسه قام
ورجع وغير ملابسه وتوضى وراح يصلي وبدلا من اجعلة يطيح خرجت له بشكل انسان ومعي مصباح كي انور
له الطريق والسبب عشان بطيحته الأولي ربي غفر له ذنوبه والطيحه الثانيه ربي غفر لاهل بيته وخفت أنه يطيح
للمره الثالثه وربي يغفر لاهل قريته 0
اما زوجته العجوز فعترفت لها اني ابليس ولم تخف مني وقالت الم تسمع بأن كيدهن عظيم فأنا منهم
فضحكت بصوت عالي وقلت لها بكل سخريه أريني مصيبة من مصايبك
وراحت العجوز حق واحد من هالشباب اللي ماعندهم شغله
وقالت أنا بشغلك عندي فترة معينه بس اذا تبي فلوس لا تتدخل ولا
تتكلم فوافق الشاب لأنه يبي فلوس
راحت العجوز ومعاها الشاب لمحل قماش وقالت له أنتظرني عند باب المحل
دخلت المحل وخذت قماش غالي وراحت تكاسر تاجر القماش
العجوز: رخص يا بن الحلال …
التاجر :اذا أنتي ما عندك فلوس أخذي شيء أرخص
العجوز : ما أقدرلازم والا يصير شيء ما صار
التاجر :ليش ؟ لهالدرجه شسالفه؟
العجوز:وهي تبكي شفت الشاب اللي واقف عند باب المحل هذا ولدي
يحب له وحده متزوجه وهي تحبه ولما تتطلق من زوجها ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيه حبيبته والا راح يطردني من البيت مع أن البيت بالأساس
بيتي ولكني غلطت وكتبته بأسمه
التاجر: خلاص هونيها وتهون والله كسرتي خاطري خلاص أنا بأعطيك القماش
ببلاش وعسى الله يواجرني
العجوز طلعت مستانسه وقالت حق الشاب روح البيت
بعدها راحت العجوز لبيت زوجة تاجر القماش وطقت الباب وطلعت الزوجة
العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح
خمس دقايق .
رحبت الزوجة ودخلتها وأكرمتها وجابتلها شاي
العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.
الزوجة:حرام نست قطعة القماش أكيد بترجع بعد شوي وتاخذها
بروح أحطها بالدولاب..
تاجر القماش رد لبيته وتغدى ذاك الغدا السنع ونام شوي .
قام العصر وفتح الدولاب بغير ملابسه عشان يروح محله مفاجأة قطعة القماش
وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالهدوم اللي عليها.
العجوز كانت تنتظر هاللحظه في أخر الشارع فراحت لها تركض
العجوز: وش فيك يا بنيتي ليش تبكين؟
الزوجه : زوجي طردني وما عطاني فرصه أتكلم .
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في
غرفه ثانيه وأمرته أنه ما يطلع منها
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ما قدرت أحتلوا بيتي
ذهبت الشرطه وقبضت على الشاب والزوجه وقطوهم بالسجن.
العجوز: ها ها وش رايك يا أبليس ؟ دورك اللحين حل المشكله
فقلت لها : السالفة تشربكت بالمره ياعجوز ابليس حرم عليه وانا ابليس دخول بيتكم وهربت فلم أري تلك العجوز ليومنا هذا