يسعد صباحكم مع مساكم بكل خير
الجديد واخر ماخطت يميني .. اتمنى ينال اعجابكم ورضاكم .,
اهداء للغالين ..
لا تحسبيني يوم اهيـجـن واغـنـــي
طــربــــان ولا بس اسبــب اثـــــاره
غنيت لعيـــونك ياســــــاره تمـنـي
كل القصـــــايد فدوتـن لك ياســـاره
ودك على المسحوب اسمعك فـنّـي
كل البحـــــــور اجـيـدها وبـمــهــاره
لا لا يغــــرك يالغــلا صـغـر سـنــــي
الشعر انا يا الغــالـيـه من كــبــــاره
دامك خذيتي قطـعـة القـلـب مـني
كل حرف مني فيك ماهو خســـاره
انا عشقتك رغـــــم غـيـرك يـبـنّـي
ورضيت في حبـــك شـقـاه ودمـاره
انا عشقـتـك يا غــنــاتــــي لأنــــي
اشوف في روحك اصــول الطــهاره
ظنيت فيك الخير مــا خــــاب ظني
غيرك ظــلام الحـب وانتــي نـهـــاره
ماهمنـي لو قــالــو النـــاس عـنـي
على كـلام النــاس تكفـــي أشـاره
ولا همـنـي لــو الزمـن يمـتـحـنـــي
التضحيه قلبي ترا هـــي شــعــاره
يالله على المسـحـوب ودي اغـنـي
اجـمـل قصــايد حـب لعـيـون ســاره
وسلامتكم ..
بقلم / ماجد الشمري
لعيون ساره
العرض العادي
