[align=center]
ياقلبي ابتســـــم
سلامة صدرك الضايق وسلامة قلبك المهموم
سلامة روحك وعقلك مـن هموم ٍ تحاتيها
سلامة عينك اليمنى من أحزان ٍ عليها تحوم
سلامة عينيك اليسرى مـن جروح ٍ تبكيها
سلامة عقلك التايه سلامة عمرك المحروم
سلامة ضحكتك يا اللي أحبها وميته فيها
أبيك تحط بي همك وتنسى لوعة المظلوم
أبا أخفف عنـا جرحك ولوعاتك أبمحيها
أبي لا قلت يا فلانة أجي لك لو على الغيوم
وأقول آمرني ياعمري فداك العين ومافيها
أبيك تشوف هالدنيا معي تضوي مثل النجوم
أبي تنسى سنين الهم مع الماضي وتطويها
كلانا عاشق الثاني كلانا عاشـق ومغروم
وإذا روح العشق ماتت بحبي والله بحييها
حبيبي عيش متفائل وانسى ماضي ٍ مشؤوم
وخلها عيشتك بسمـة تنسيك الشقـى فيها
وخلك دايم بذكرى العزيز البارئ القيــوم
وسبح دايم بحمده فـي كـل ليلة تخاوييها
[/align]