ان فرقتنا سود الايام واشتقت --- ارجع غلا شوقي مع الوقت باقي ادريبك ان قفيت تدله مع الوقت ---لكن عسى الله لايجيب الفراقي احتاجك ان ضاقت علي وتضايقت---بعد الله انت اللي عن الضيق واقي ياسيد احساسي بعد ماتعمقت --- لقيتك اصعب من جروح اشتياقي ادري لحالي في خفوقك تفوقت--- وادري كسبت الكل وقت السباقي وادري حكمتك لين فيني تعلقت --- وادري خسرت الكل لجل اعتناقي بس المصيبه ثورة الوقت لاضقت ---(حريتك) تعطيك حــق (انشقاقي) وانا الغيور اللي من الشك لاذقت ---احرق مباني مشيده بااحتراقي ماطقت طاري افراقنا وانت ماطقت--- ليه العلوم اللي تجيب اختناقي في ذمتي لولا الثقه كان صدقت ---بس الحكي وقت الزعل مايطاقي فارقت ولايالغلا جيت واشتقت --- (لك الله ان العشــق للمــوت باقي) بقلم غنمان الغانم
وانا الغيور اللي من الشك لاذقت ---احرق مباني مشيده بااحتراقي ماطقت طاري افراقنا وانت ماطقت--- ليه العلوم اللي تجيب اختناقي في ذمتي لولا الثقه كان صدقت ---بس الحكي وقت الزعل مايطاقي فارقت ولايالغلا جيت واشتقت --- (لك الله ان العشــق للمــوت باقي) صحححححح لسانك جزااااااااااااااااااله وابداع
إبدعت في مشاعرك واجزلت بحروفك صححح لسانك
الفرايد صح بدنك ولاهنت على مرورك الطيب دمت بالخير
الباهره كل الشكر لك اختي على مرورك دمتي بالخير
يَ آلله .. أبي أقتبس بيت .. لقيت كلهآ توب ..! أبيآت رآئعة جداً وَ رآقت لي كلمآت جميلة وَ معآني مبطنه .. مبدع من غير مدح * صصصح لسسآنك شآعرنآ ~ وَ عسآنآ مَ ننحرم من جديدك الجميل ..
صح لسانك على هذه السيفونية والعزف المنفرد على هذه المفردة اشتقنا لهذا الهطول منذ زمن وهاهي العودة التى تليق بك وحدك لاخلا ولاعدمك
يعطيك العافيه . ايبات جزله ومتنوعه لاعدمناك والى الامام يارب .
؛ كـ/عادة.المطر.عندما.يأتي يبلل.كل.الطرقات.والاماكن وهكذا.انت.ياغنمان حروفك/مشاعرك/أحاسيسك/ابياتك بللت.مشاعر.الروح وبللت.ارواحنا صح،نبضك ووارف.حرفك احتاجك ان ضاقت علي وتضايقت ---بعد الله انت اللي عن الضيق واقي ياسيد احساسي بعد ماتعمقت --- لقيتك اصعب من جروح اشتياقي دمت/بخير ِ
اقتباس: المشاركة الأصلية كتبت بواسطة شيخة السبعه يَ آلله .. أبي أقتبس بيت .. لقيت كلهآ توب ..! أبيآت رآئعة جداً وَ رآقت لي كلمآت جميلة وَ معآني مبطنه .. مبدع من غير مدح * صصصح لسسآنك شآعرنآ ~ وَ عسآنآ مَ ننحرم من جديدك الجميل .. كل الشكر لك اخت الرجال بارك الله فيك على هذا التشجيع والاجمل هو مرورك لاهنتي
اشتقت- جديد
العرض العادي
