عاصفة غبار جديده تؤثر الان على مناطق شمال السعوديه بما فيها رفحا وهي تتجه الى حفر الباطن والصمان وشمال وشمال شرق القصيم نأمل اخذ الحيطة والحذر اليوم بطوله يعتبر كله غبار والله يعيننا جميعاً هذا والله اعلم
اخوي تركي عندي سفر بعد ساعات الى عرعر كيف الطريق بين الحفر وعرعر ؟؟
هلابك اخوي طلال الوافي والله يالغالي الاجواء غبار وكما تشاهد الرؤيه ماهي واضحه داخل الحفر فمبالك بخارج الحفر حالياًُ تشكلت عاصفة غبار جديده على عرعر وضواحيها وهي بتجاه حفر الباطن اي يعني من عرعر ووصولاً حتى حفر الباطن يعتبر الطريق كله عجاج ولا انصحك بالسفر واذا قدرت انك تأجل سفرك حتى يوم الغد يكون افضل لك واذا انت مضطر وملزوم للسفر يرجى بعدم السرعه وبالتوفيق لك .
هذه آخر صوره لتحديث الغبار وكما تشاهدون ناحية مناطق الشمال بشكل خاص عرعر وضواحيها بداية تشكل عاصفة غبار جديده وهي بتجاه جميع المناطق الشماليه الشرقيه بما فيها حفر الباطن وشمال وشمال شرق القصيم فلذلك اللي عنده سفر انصح واحذر بعدم السفر حتى تهدأ الاجواء ومع الرغم ان الغبار سوف يستمر طيلة هذا اليوم والله اعلم