قمة التحدي لجميع الشعراء !!

[سلطان المطرفي]

السلام عليكم ورحمة الله وبركاته

اما بعد:

الموضوع ومافيه خطرت لي فكره وهي ان نضيف موضوع ونتناقشه فيه بالمحاوره


وكل شاعر يبين وجهت نظره في ابياته


ابي ابتدي انا ولا تهونون .

الموضوع هو صوره اضافتها اختنا النود وهي صوره مؤثره جداً واريد منكم ان تبينوا وجهات نظركم وتناقشونها بالشعر




المصيبه بالعلاج الي نبي *** نطلبه والغرب يسبينا سبي

دامنا بالهون وطي واشربي *** نتفق بالتفرقه والانفصال

وين الصفوف ؟؟؟

وين الشعراء ؟؟

هاتوا رأيكم بالصوره وماتحمل من موضوع

[سندرلا الحفر]

وين عنتر وين الايوبيي يرا*** مايشوف امه على المي جهرا

انهضي يام ويش الي جرا *** وضعنا بالذل من ضيم الليال

[سلطان المطرفي]

شفتها شوف الحقيقه بالعيون *** صورة(ن) ماهي بتخمين وظنون

اشهد اني عقب شوفتها محزون *** والمحال بوقتنا ماهو محال

[سندرلا الحفر]

صاحبي والله عندي مايهون *** شوف امي يافتى بوجه مغبون

حارب الله خاين (ن) فينا يخون *** اعلن جهادك ووسع يامجال

[سلطان المطرفي]

يالله المعبود يالرب العزيز *** ياعليم(ن) بالخفى والي يحيز

مايجوز الذنب لو قالو نجيز *** يالله انك تحفظ عيال الحلال

[سندرلا الحفر]

غاضب (ن) صدري وسمع له وزيز *** كيف تشرب هيك وهي بنت العزيز

جعل من حده على العازه يعيز *** وجعلها تنثر على قبره تلال

[سلطان المطرفي]

صح لسانك


بأنتظار مزيد من المواضيع مع باقي الشعراء

[عبدالله الأحمد]

حنا انتمتع هرفي وهارديز...والمسلمه تمز الهم مزيز

يالله انك تمحي الا نجليز..واعوذ بالله من قهرالرجال

[سلطان المطرفي]

صح لسانك اخوي نديم السهر


العذر من الله ثم منك والله عندي رجال شرواك وجالس اقهويهم وانشغلت معهم شوي



ارجو ان تتقبل عذري

[محمد ماجد بن دمخ]

نديم خلك معي دام المطرفي عنده ضيوف ننتظر الضوء الاخضر منك