[B][align=center]السلاام عليكم والرحمه والبركه ..
كيف الحال والاحوال .. ؟ ..
عساكم بخير ونعمه وصحه ..
المهم مابي اطول عليكم ..
-- - -- - -- - - -
وأناا مسند ظهري على الكنب .. وأهجول في القنوات . . . الى ان عيوني حولت
وأنا قاعد أظغّط في الرموت الا واشوف في قطر في الفجر .. أشوف فيلم مصري قدييم يتكلم عن الجاهليه
الا وأشوف أبو جهل وأبو لهب وربعه المنسمين . . قاعدين يحاربون وكانوا بينهزمون .. يجي أبو جهل يقرب من كمرت المخرج ويقول ..
ابو جهل :: انت ياصبيح متهور .. مالذي جعلك تجلس وهناا وترا الفرس يرقعوناا
قلتله .. كم النتيجه ..؟!؟!؟!
قربت أناا في التلفزيون أبي أناظر زيين .. مو مصدق أناا عيوني تعدلت وأشوفه يدخل في التلفزيون ويعطيني ذاك البوقس اللي يطير مصطفايا متهور .. للحرب ..
قلتله :: نعنبو ابليسك وش اللي خلااك تدخلني هالحرب وأناا ماأعرف أطق أخوي الصغير تبيني أتطاق علشان أموت
أبو جهل ::ويحك يارخمه
قلتله :: سم طال عمرك .. << -- خاف
أبو جهل :: انت الذي سوف تحمينا يامتهور ( صبيح) .. انت فارسنا أنت حلم بني قريش لأرفاع مكانتهم فوق عالي السحاب ..!!
هيا اذهب هناك وشفلك فارس وعطه ركبه تخليه يهجول عند امه ..
قلتله :: انشاء الله طال عمرك .. تآمرني بعد بشي . .
أمسكلي ذاك الفارسي وأمعط شعره ونتفت شعره .. وبعدين اهو قاعد يبكي .. قلتله :: يالزلابه يانحله يازباله يامنسم يافارسي ياخدادي عزيزي
جاني هذاك الفارسي المنسم ويطلعلي السيف .. وأنا قاعد أراكض وهو يلاحقني الى انه تعكر .. قلتله : ياايراني ياهرمزكاني تسوون نفسكم تهزمونا احناا يالسعوديه .. وعلي دائي يسجل هدفين !!
قال :: خور دوادي سور فيني شي
قلتله :: تتهزا علي انت .. أمسك هالحصا وأدخلها في عيونه وامسك عيونه يامني مسكتها اغمى علي
جاني ابو لهب وعطاني هذاك الكف اللي يمشي 5000 الف كيلو على خشتي . .
وقالي .. :: ويحك ثكلتك امك يامتهور ( صبيح) انت فارسنا وزعيمنا .. ويغمى عليك يالك من فضيحه ياويلتااه ياألله أنزلت علينا نكبة كبييره
قلتله .. :: مالي ومال للطقاق والهواش أنا في المدرسه أنحاش أخاف الطالب دحيم يطقني .. << -- خواف ومسوي نفسه ستيف
قالي .. :: اصمت انظر لهذاك الصعيدي انه فارسهم اقتله ..
قلتله .. : : ايه هيّن ان قتلته
وأجي وأروح لفارسهم الصعيدي ..
قلتله ..:: انت يابشا ممكن تبارزني ياقدع
يقولي :: عامل اييه دنت عاوز حاقه .. ولا جاي تنفخ علي
قتله .. :: أها بس الحين أعذبك وماأوكلك فول سوداني أصيل ..
قالي .. :: هاهاهاها .. دنت بتتهزر دنت ماتعرفني .. آه .. داني أشيلك بصبعي الصغيّر
قلتله :: تهبى مابقى الا ورعان ..
شال سيفه .. وبعدين أنا شلت سيفي.. وقاعد أرقص بسيفي .. .. عاد هو خاف يحسبني قوي قاعد يتأسف
يقولي :: ياباشا ياصبيح آآني آسف دنت عزيم ( عظيم ) أوي أوي أوي .. داني عندي اعيال وعندي فوول لا تحرمني منهم
قلتله .. :: أها بس < -- ماصدق نفسه انه ( أبضاي )
قلتله .. :: أيها الجند اقطعوا راسه من بدنه ..
وأنا مو مصدق نفسي ان هزمت هالصعيدي المغوار قلت (( نــحمد الله جات على مانــتمنى )) وقاعد أرقص سامري من الحماس << -- داخل جو الا يجيني أبو جهل ويقول
أبو جهل يباركلي يقولي .. يامصطفى متهور .. انت الآن عظيم الشأن لدي ياهذا
سوف أزوجك من الجواري الجميلاات والراقصات الباهرات ..
قلتله :: تتكلم جد انت ولا تمزح ..
قالي وهو معصب .. :: ويحك ثكلتك امك .. أنا لاأعرف شيئا اسمه مزاااح
قلتله طيب وينهم ..
قال :: انهم في مكه يرقصون ماكرينا
قلتله .. :: طيب طيب دقيقه يابو جهل .. بطلع بوكي علشان أعطيهم المهر ..
قالي .. :: اي بوك .. نحن لدينا ( كرفت ) البوك ليس في مكه ..
قلتله .. :: أقول سقها
يحسبني أمدحه .. قاعد يبتسملي اهو مع براطمه تقول صدامات ددسن بوغمارتين
قاعد يوسوس ويقول :: آآآآآآآآآه يامحلااة وادي مكه من الخارج ..
قالتله .. :: وين جوالي ..
قالي ..:: انت قدييييييم الجوال قدييم
قلتله :: أجل وش طلع ..
قال .. :: بيجر ..
قلتله . :: نعم نعم ,, "" أمشيله "" تسليكات ""
قلتله .. :: اين مكه
قال :: قبالة جبهتك .. وهذاك السوق .. وهناك الجواريات ..
قلتله .. :: طيب طيب دقيقه بدور جوازاي .. يوووووه ماعندي تاشيرات للدخول . .
الا أدخل مكه .. واشوف الناس وأشوف خششهم ..
قلتله :: يرحم والدين والدينك .. أبي آكل جوعاان عندك كبسه ..؟؟!؟!؟
قال :: اية كبسه ياهذا ..
قلتله .. :: لا أبد .. بس ياخخيي جوعان ابي أرجع لبيتنا أبي آكل من طباخ الوالده ..
الا يجوون الناس ويحببون راسي ورجولي يقولون انت البطل انت البطل .. قلتلهم لا يكثر ..
قالي أبو لهب انت حامي عرش قريش .. قاعد يغني يقول (( ديرتي تن تن تن ديرتي مهدا العصوور عاليا فوق الصخور ))
قاعد أسمي عليه قاعد أتفل في وجهه ...
قلتله .. :: سلمات ..
ماعطاني وجه عطاني ركبه
جاني أبو لهب وقالي ياصبيح متهور .. أتريد بعض الشراب ..
قلتله .. :: عصير تفاح ..؟
قالي .. :: لا بل ويسكي
قلتله .. :: عدل كلاامك الحين أنادي الهيئه يمسكونك ويقطونك في سجن الحاير ومليون جلده ..
قالي ..:: يالك من كوميدي ..
أنا من بعدها غسلت يدي منهم ..
يقول لقد شريت حافلة جديده
قلتله :: وش جيب شروكي ولا لاند كروزر .. ؟؟
قال :: بعير أبو غمارتين
المهم ارقدت في بيت أبو جهل اللي بيته ولا غرفت شغالتنا ..
والناس نايمين وأنا قاعد أهجول في طرقات مكه ..
تعبت ودخلت لبيت أبو جهل وشاخرت ..
جا بكره .. جا أبو جهل يقول
هلموا هلموا ..
قلتله .. :: وش الطبخه ..؟!؟
قال ..:: اليوم سوف أذهب الى الشام لعمل تجاري من يوريد أن أستثمر ماله يأتني اياهاا ..
قلتله .. :: وش تحسب نفسك سابك ولا ارامكو علشان تستثمر فلوسهم
المهم راح للشام وخذاني معاه .. ورحت هناك
وشفت أبو زعتر .. و .. أبو شكيب
قالت وحده :: هيدا هو فارس قريش ياعموو ( تأشر بصبعها علي ) ..
جيت عند واحد وقلتله ..:: بالله جبلي فصفص وشاورما .. (( جمبو ))
قالي .. :: شو هيدا انت بتتكلم عربي ولا فارسي .. ؟؟!!؟
قلتله .. :: لا يكثر وجبلي وطلعتله السيف الا خاف .. وانحاش .. عيش حياتك مع سيوفك
المهم خلصت تجارة أبو جهل أبو راس كبير
ورجعنا لمكه .. :: وقلتله أبي أرجع للرياض ..
قال اية رياض .. ,,
تلعثم لساني .. وقاعد أتذكر كتاب التاريخ حق رابع ابتدائي
قلتله .:: نجد
قال .. :: أهاا لك ذالك
قلتله انت شلون مسكت خشتي ووديتني للحرب .. ؟؟!!؟!؟!؟
قال .. :: سر المهنه
قلتله ..:: شوف عاد وقت المزاح راح ووقت الجد بدا .. قاعد أتكلم ولا اعرف وش معنى كلاامي
قال :: سوف ترا جلدة خروف .. وتحته شيئ أسود المسه وسوف تذهب الى نجد حقتك وفكنا من خشتك
قلت ..:: بعد حسبت .. يالله وخر عن طريقي ... < -- وكنت مسوي قوي ولا أناا الله يعلم بالحال
رحت عند جلدة الخروف وشلتهاا وشفت هالاسود .. ..
ولمست هالاسود الا اشوف نفسي قاعد أقلب في التلفزيون . . .
جاني الوالد قاعد يقولي .. :: وين كنت وعيونه حاارره
قلتله ..:: لاأبد كنت في مكه مع الربع
قالي .. :: وش فيك تأخرت قلتله أسأل ابو جهل
يحسبني أستهبل علييه
قالي ..:: تستهبل انت وقاعد يكفخني وقلت في نفسي هذي آخرتها معاك ياأبو راس ( أبو جهل )
مايستفاد من القصه .. ::
-- - -- - -- - - -
1 - لا تناظر المسلسلات التاريخيه تراه كله فقش ..
2 - اترك عنك التلفزيون وخلك في البليستيشن أصرفلك << - امحق نصيحه
3 - هذي فايدة كتاب التاريخ
4 - الاخلاق .. وحب الوطن .. وحب المليك ..
-- - -- - -- - - -[/align][/B]
فازع مع ابو جهل
العرض العادي
