[align=center]
اول شي هذي سالفتي ماتصلح الى معك توكس وباور هاوس ولا ببسي بس بشرط اذا قريتها لا تضربني بعلبة الببسي
قصتي وبكل صراحه مع بنت من بنات المنتدى ......!
هذي قصتي مع بنت من اعضاء المنتدى وبصراحه وبدون اضافات ولا مجاملات
بس ابي منكم التركيز في الموضوع علشان محد يفهم غلط .... نبدا:
كانت فيه بنت من بنات المنتدى ترد علي بأعجاب ولا تترك ولا موضوع لي الا وترد عليه حتى لو كان الموضوع بايخ وانا كنت حاس فيها
وفاهمها,,,,
هذي مقدمه السالفه....خلوكم معي ركزوا زين ..اتركوا سالفه البنت المعجبه على جنب بتعرفون وش بيصير في الاخير ...
المهم انا كنت فاضي وكان يوم اجازه سكرت النت بعد ما سكرت المنتدى الي فيه الردود الرقيقه المفعمه بالاعجاب
وطلعت اتمشى بالسياره زي العاده وكان الوقت متاخر ....
وانا ماشي في امان الله الا وفيه بنت تاشر لي في الشارع
انا وقفت لها لان وقفه بنت وفي شارع مافيه احد ووقت متاخر اكيد السالفه مو طبيعيه
المهم وقفت انا وجتني بنت آيه في الجمال وفي النعوومه ورقه الصوت
بصراحه وبدون مجامله مو بنت هذي هذي حوريه
المهم وقفت ونزلت الشباك وقالت لي ممكن توصلني انا تهاوشت مع ليوزين
ونزلني في الشارع هنا وبيتنا بعيد ..ممكن توصلني انا في هذا الوقت
قلت حياك الله تفضلي وركبت معي .
انا بصراحه ما حبيت اصير ملقووف وأسالها ليش تهاوشت مع اليموزين ,,,
ركبت معي وساد الصمت في السياره ..وكنت مستحي اتكلم معها
بس ظغطت على نفسي ونطقت بحرف وبكلمه وكونت جمله مفيده
وقلت لها :شنو السبب الي خلاك تطلعين في هذا الوقت ((لان شكلها يدل انها بنت متحشمه))
قالت بصراحه انا كنت نايمه عند خالتي وسمعت زوجها يتهاوش معها علشاني
يقوول حنا ناقصين ,,,
فقلت ارجع بيت ابوي احسن لي وركب مع اليموزين وحاول انه يسوي حركات مالها داعي فخليته يوقف السياره ونزلت ...
وفي هذه الاثناء وصلنا لبيت البنت وكان هناك مفاجئه
ابوها واقف عند الباب
لان خالت البنت اتصلت على اختها ((الي هي ام البنت )) وقالت ترى فلانه طلعت من عندي ......
وطبعا اهل البنت قعدو يحاتون البنت <<<<يعني قلقانين عليها .
المهم اول ما شفت ابوها طبعا جاني شلل نصفي وصداع كامل وجميع الامراض المستعصيه ...
ابوها جا يركض ووقف قدام السياره
وجا عندي وكلمني بهدوء وقال انزل وهو مصر ومعصب
انا نزلت بس علطوول مسكني ونادا اخوان البنت ثلاثه شباب
ومسكوووني ودخلووني عندهم ,,,,
انا دخلت بس وانواع الطق والتشويت والتهزيء
وكل شي ..
علبالهم انا مسوي لها شي واني حبيبها
المهم اقوولهم والله ما اعرف بنتكم الله يستر عليها ...واحلف لهم واحلف ...
بعدين اقتنعوا وقال ابوها بكره نروح نفحص البنت ونتأكد ..وانت مافيه طلعه من البيت لين نتاكد ...
انا خلاص ما صدقت انه يقتنع ..قلت مو مشكله اجلس عندكم لين نشوف وش بيصير ..
المهم جا بكره وانا محجووز عندهم وراحواوفحصوا البنت ....
بالفعل طلعت سليمه ....
وجا ابوها واعتذر لي وفهم الموضوع كامل وقالي تبي نزوجك حنا مستعدين
قلت له تسلم والله انا ابي افتك منهم باي طريقه ....
بعد كذا طلعت ورحت البيت وحمدت ربي ان الموضوع عدا على كذا وما صار فيه شرطه ولا هيئه ولا مصايب ...
الحين خلصنا من البنت هذي نرجع للمنتدى وسالفه المعجبه في مواضيعي ...
ومرت الايام والبنت هذي على ماهي عليه ترد على مواضيعي بكل اعجاب ورقه
وجا يوم السعد وكنت جالـس اتصفح المنتدى
جتني رساله خاصه
وبالفعل فتحتها ...
توقعوا من الي مرسلها
.
الي مرسلها البنت الي معجبه فيني في المنتدى
مكتوب في الرساله بالنص الواحد ..
((مساء الخير ..أخ دزهـاا
اسعد الله اوقاتك بكل خير
اتمنى ان تصلك رسالتي وانت باتم الصحه والعافيه بصراحه انا معجبه فقي كتاباتك واسلوبك
وهذا ايميلي ارجو ان تقبلني صديقه لك
تحيـــاتـــي)) هذا نص الرساله
بالفعل اضفتها عندي في الايميل
وبدا الكلام الرقيق ..العذب ..الجميل .........الخ
وبينما نحن منهمكين في السوالف
..وبدينا نمون على بعض
قالت لي بقولك سالفه صارت لصديقتي ....
توقعوا شنو السالفه ...قالت لي سالفتي مع البنت راعيه اليموزين
انا كنت صريح معها وقلت لها...وش رأيك انه انا الشخص الي مع البنت
هي تفاجئت تفاجئ غريب ......؟
سكتت شوي وقالت وش رأيك انه انا البنت الي معك
انا انصدمت بصراحه وبديت ارجف مدري ليه ...............
المهم وباختصار انا ويا البنت علاقتنا قويه ونحب بعض
نحب بعض الى ابعد حد الى حد الزواج
هيه لا تصدقوون هذي خرفاات وتأليف واحد فاضي ورايق
مع تحيات اخووكم
دزهـاا
( من إرشيفي القديم الله يطولي بعـُمره )[/align]
قصـــتــي مــع بنـــت مــن بنـــات المـــُنتـدى ..
انت منتب فاضي وبس الا مرووووق بعد وجوووك ملكي
العرض العادي
