الاخ وليف الليل اليوم وش عندك على الجن هههههههههههه
اذا تبي اماكن وجود الجن عليك بديرة الصمان تحصلها داخل الدحول الكبيره
طبعا الدحول هي الكهوف الصغيره
وايضا سمعت ان الفاو الشمالي مسكون بالجن
وشكرا
هلا ابو نواف يالله حيه , بالنسبة للرحلة هي صايره صايره الله لا يعوق بشر , بس ودي لو انت وابو فهد والرادار والميموني تخاووني , على الأقل ابو فهد يصرن شواربه بيض هههههههههه
وبالنسبة للفاو الشمالي انا متأكد مليون بالمية ما فيه إلا العافية
احنا سكنا بلحفر ايام الغزو وسكنا في العزيزيه حاره المطران البيت قديم حيل بس كنا قعدين فيه وقت اسبوعين وقبينا كنا نسمع اصوات وكانت في غرفه مغفله وكنت صغيره حيل يعني 8 او 7المهم من كثر الخوف اهلي دايم يتكلمون بالهالسالفه المهم فتحو لغرفه ابوي وعمي واتذكر كنا كلنا وراهم طالع الله ما انسى المنظر الغرفه غبره حده وفيها خشب مكسر وريحتها والله للحينها بخشمي الطوفه عليه رسومات بالصبغ الاحمر ورسمه غزال على ماظن المهم هلي غفلوا الغرفه ثاني يوم طلعنا من البيت.قلبتوا علي المواجع.
اخي وليف الليل
انا سكنت في بيت في السليمانية اقسم بالله صحاني من نومي وقال هذا شيخ الجن جاي يسلم عليك
وفي نفس الغرفة سمعتة يسكت ولي الرضيع
ومرة آخير الليل الاخ الجني مسوي رضعه حق ولدي
الجن عالم غريب اذا انت تشجعت خافو منك واذا خفت تشجعوا عليك
اذا تسمع بالخرج عندنا في حي اليمامة منطقة يقال لها ام اثيلة مشهوووووووووورة بالجن ترااااهم عيانا تعال اوديك تقبل مروري
لدعاء حين نزول منزل : عن خولة بنت حكيم ـ رضي الله عنها ـ قالت: سمعت رسول الله ـ صلى الله عليه وسلم ـ يقول: (( من نزل منزلاً ثم قال: أعوذ بكلمات الله التامات من شر ما خلق ، لم يضره شيء ، حتى يرتحل من منزله ذلك )) [ رواه مسلم
اذاقلبك ميت صحيح وتبي الجن رح للطبق موجود بعرعر لاوصلت منفذ الجديدة السعودي العراقي امش مع المسحية يمين اذا فيك خير ترجع صااااحي ونبي نشوف العالم الغامض اللي تبيه اسم الموقع (( الطبق ))
خالي راح مع واحد اعراقي يمه والعراقي له صياااح رد رد قاله يبن الحلال ما فيه شي بس خلك شجاع نزل الليل عليهم ووقفو يسوون عشاء وحطو العشاء على الكبوت يبونه يبرد هو والرقي ويوم جاء خالي يبي يجيب العشاء لا لقاء العشاء ولا الرقي ولا الاستبنه مسك العراقي من غاربه وقاله اركب يوم اركبوا السيارة والا انواع الصيح حريم وورعان ورججلك يا عرعر وانواع الرعب وهم راجعين يقولون فيه غرف بالجبال واثار بس محد يقدر يوصلها محميه من الجان ودونها منطقة اسمها (( خويمه )) سبحان الله مهما جاها من مطر ما تربع ولا تشوف العشب فيها ...
قمنا بزيارة الأسبوع الماضي إلى ( جو ما يبات به ) بين رفحاء والحفر , بعدما سمعنا من الكبار إنه فيه كلام غير منطقي , دخلناه بعد المغرب إلى الساعة 12 ليلاً , ما لاحظنا شيء غريب .
لقينا مزرعه ما فيها أحد .. وعادي الوضع فيها بشكل كبييييييييير