اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 30-04-05, 04:06 PM   رقم المشاركة : 1
abu noooraaah
عضو فعال
الملف الشخصي






 
الحالة
abu noooraaah غير متواجد حالياً

 


 

كوكتيل

[align=center]هذه الأبيات لمجموعة من الشعراء وهي مملوءة بالحكمة والنصائح

--------------------------------------------------------------------------------

أخي القارىء الكريم اليك هذه الأبيات لمجموعة من الشعراء وهي مملوءة بالحكمة والنصائح التي يجب على الانسان ان يتزود منها وذلك لما تحتويه من عبارات واقعية صادقة رغم السنين التي مضت

يقول الأمير خالد الفيصل: دايم السيف
[/align]



[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
الناس تفنى والمباني والاملاك =والقول يبقى والخبر للتوالي
الشعر معنى حكمته بعد الادراك =وما كل يلمع على النور غالي
والشعر صورة شاعر فيه تلقاك =اما لبس لك جوخ ولا سمالي [/poem][align=center]* ويقول: بركات الشريف[/align]:

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
احفظ دبشك اللي عن الناس يغنيك =اللي الى بان الخلل فيك يرفاك
اجعل دروب المرجلة من معانيك =واحذر تمايل عن درجها بمرقاك
ادب ولدك كان تبغيه يشفيك =واستسعفه من بعد مرباه يالاك [/poem]
[align=center]الى أن قال[/align]:


[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
ترا الصنايع بين الاجواد تشريك =والياطمعت بغرسها لا تعداك
واوف الرجال حقوقها قبل تعنيك =ولا تمتمد بالقول والحق يقفاك
وهرج النميمة والقفا لا يجي فيك =وإياك عرض الغافلة إياي واياك
واليانويت احذر تعلم بطاريك =كم واحد تبغي منه العرف واغواك
واحذر شماته صاحب لك مصافيك =اليا جرالك جاري قال لولاك
ولا تحسب ان الله قطوع يخليك =ولا تفرح ان الله على الخلق بداك
الضيف قدم له حين يلفيك =مما تنوله يافتى الجود يمناك [/poem][align=center]وهذا الشاعر: سليمان بن شريم:[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
وربعك الى بان الخلل فيك عافوك =اقرب قريب لك من الناس يشناك
ان كثر مالك اصد قولك وطاعوك =وان قل ما بيدك شانت حلاياك
لو تطلب الماء عندهم كان ما اسقوك =أبعد مزارك عن وطنهم ومرباك
وان طاب حظك اصدقولك وحبوك =وان با ربك كل ما بي غير فرقاك
وهراجة المجلس الى جيت وروك =منازل تطرب نظريك بدنياك
وإلى قضوا منك اللوازم وخلوك =تفرقوا وانت احتمل كل ما جاك
كنك راج البيت للنور شبوك =والي انقضى اللازم حدا الربع طفاك [/poem]



[align=center]ويقول الشاعر: عبدالله بن صقيه التميمي[/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
ساس الردي لا بد مبناه ينهال =ولد الردي صاحي تحطه بطانه
تلقاه وقت الضيق لا ضكك الجال =الصفر لا يغريك زين لمعانه
ترى الذهب من صافي جنيه واريال =ما يختلف ياذيب طيلة زمانه
بستان غيرك لوبه الوان واشكال =ما تنتفع من خوخه وبرد قانه
ما ينفعك ما فيه لو بالثمر مال =لا صار بالغدراء جداره مخانه [/poem][align=center]ويقول:[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
احرص عن الزلات في كل الاحوال =لا تنخدع باللي يعلج اللبانه
ما يفتري ويشين الناس رجال =راع الحكي بالناس خله وشانه
عليك باللي بالمهمات سردال =ليث مثل من حط قوسه رهانه
انته وانا نبعد عن القيل والقال =كم واحدٍ ياذيب ضره لسانه [/poem]
[align=center]وقال: تركي بن حميد:[/align]


[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
تراك عشير عشرته يوم او دون =ثم يبدل بك عشير وينساك
شف لك قطامي على السد ما مون =درع القفا ما ينهض الراس لحذاك
اللي الى اوحى الناس فيكم يهرجون =حامي على عرضك ويدمج خطياك
أنا رفيقي لو يجي دونه خطياك =ما أنساه لو اني على حوض الادراك [/poem][align=center]ويقول: عبدالله اللويحان:[/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]

الشور ما ينفع قلوب المهابيل =كالزند وان حرك تطاير شراره
لو تأمره بالعدل يعرض على الميل =يستل على رايه بربح وخسارة
والطبع ما ينزل غيره بتبديل =مثل الجدي مرساه ليله نهاره
والحنظلة لو هي على شاطى النيل =زادت مرارتها القديمة مرارة [/poem]
[align=center]يقول راشد الخلاوي:[/align]


[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
لا تستشير إلا صديق يودك =في الله صافي السر مامون عاقبه
وترى شور مالا يستشيرونه الملا =شمعه نهار في ضيا الشمس ذايبه
ورى النصايح في البرايا فضايح =وكم ناصح اضحى له الناس عايبه [/poem]


[align=center]ومن قصيدة اخرى يقول:[/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
لا تتقي في خصلة ما بها ذرا =ولا تنزل إلا عند راعي الوكايد
ولا تسفه المنيوب الى جاك عاني =إياك ياولدي ومطل الوعايد
واطول ما وسدت راسي كتادة =من خوفتي يعتاد لين الوسايد
فمن عود العين الرقاد تعودت =ومن عود العين المساري تعاود
ومن تابع المشراق والكن والذرا =يموت ما حاشت يديه الفوايد
الايام ما باقي بها كثر ما مضى =والاعمار ما اللي فات منها بعايد
نعد الليالي والليالي تعدنا =والاعمار تفنى والليالي بزايد [/poem]
[align=center]ويقول: محمد عبدالله القاضي:[/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
تكلفك بامر ما يخصك جها لة =وتبعدك عما كان يلزمك له قافي
ولا تصافي كود حيد صميدع =غيور على الصاحب نصوح وميلافي
ولا تلوم النفس في جاري القضا =مالك عن المقسوم يالعبد مكافي
ياشرهل المعروف منك بتواضع =وهل الشر باشرهم بشر وتستافي [/poem]

[align=center]ويقول غازي بن مهنا الشيباني[/align]:


[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
ماطار وقع من مطيره ولو حام =والزود مثل النقص ينقص ولو زاد
دنيا تغر الناس في طول الاحلام =ولا بد ياصل شرها بين الاجواد
ياماشي بالدرب مسري ومجهام =لا بد من عقب المراويح معواد
احد قضى زامه واحد يمسك الزام =واللي صدر منها يجي غير اوراد [/poem]
[align=center]كذلك يقول: محمد بن عايض بن هادي الحباني:[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
من رابع الخايب سكن دوم وإياه =لبس الدناسه عقد لبس الجدادي
ومن طاوع الشيطان في دينه اغواه =يصبح غريق بين الامواج غادي
ومن عاشر الطيب ترى الطيب شرواه =وبالطيب يرقى نايفات الميادين
خلك مع الطيب وممشك ممشاه =ورافق على الربع القروم العوادي
عز الفتى دينه وسلمه ومرباه =وربعه عضوده عند قدح الزنادي
تاقف معه وبقدر الامكان تحماه =لا صار باطراف الحبال انعقادي [/poem]


[align=center]وهذا الشاعر: مرشد بن سعد البذال:[/align]


[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
لولا الردي ما صار للطيب سمعه =لا شك لهذا ضد ذاك يصير
والناس مثل الماء غدير ومالح =هذا ملاح وذا زلال غدير
والا جواد قربتهم تبيض وجودهم =تنفع ولا من قربهم تأثير
والاشرار نفعتهم مكافاة شرهم =ولا ترى قرب اللئيم خطير
من رابع الطيب كسب من مراجله =ومن رابع الخايب تراه عثير
ترى الرجال طيور يفرق فعلهم =فعل العقاب على الغراب عسير
الرجل عقل ومرجله وديانه =بلا شك راعي ها الثلاث طهير[/poem]
الى ان قال:

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
جنب حقوق الناس واحفظ حقك =على حقك اضرب باسنان شطير
واذا ادعيت الحق قابل خصمك =ولا تدعي بالبطل والتزوير
ترى الحق لو صابك لو تنكره =مالك عن الحق المصيب مطير
لا تأخذ الا راي من تثق به =ينفعك في رايه وله ضمير [/poem]


[align=center]ونختتم رحلتنا هذه مع الابيات للشاعر: محمد بن احمد بن محمد السديري يقول:[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
قصر يذلك لا تقابل معانيه =خله عسى شامخ طويله هدامي
خله عسى ما صاب اغادير يفنيه =يودع منازله الطويلة رجاسي
لو ان مدخاله وطالت حواميه =شيد على الخيبة قليل الرحامي
وحي يوريك المذلة وتغليه =أنا اشهد انك ميت القلب عامي
من لا يودك لا توده وترجيه =ارفع مقامك ياعزيز المقامي
ارفع مقامك عن عدوك وتوذيه =ويلحقك من تركت رفيقك ملامي
حتى الرفيق وواجبه لا تخليه =يلزمك مثل الوالدين الحشامي
اختر عزيز الجار والحق يعطيه =شبل على هرج يقوله يحامي
ومن قارب الأجرب بالامراض يعديه =عدواه تسطي باللحم والعظامي
درب السلامة بينات معاشيه =ودرب العطب يرث عليك اللكامي[/poem][align=center]ومن قصيدة أخرى يقول فيها:[/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
لا خاب ظني بالرفيق الموالي =مالي مشاريه على نايد الناس
لعل قصرٍ ما يجيله اظلالي =ينهد من عالي مبانيه للساس
لا صار ما هو مدهلٍ للرجالي =وملجا لمن هو يشكي الضيم والباس
بحسناك يامنشي حوق الخيالي =ياخالق اجناسٍ ويامفني اجناس
تجعل مقره دارس العهد بالي =صحصاح دوٍ دارس ما به اوناس
البوم في تالي هدامه يلالي =جزاك ياقصر الخنا وكر الادناس
حتى تربع دارنا والمغالي =وتخضر فياض عقب ماهيب يباس
نشوف فيها الديدحان متوالي =مثل الرعاف بخصر مدقوق الألعاس[/poem][align=center]وتقبلو تحياتي
__________________
[/align]







رد مع اقتباس
قديم 30-04-05, 06:50 PM   رقم المشاركة : 2
فواز الشمري
مشرف سابق
الملف الشخصي






 
الحالة
فواز الشمري غير متواجد حالياً

 


 

[glint][align=center]ابووووووو نوره

الله يعطيك العافيه يالغالي

ذووووووووووووووق رفيع واختيار موفق وحكم نستفيد منها

الله لايهينك يالغالي ماااااااااااااااااقصرت على نشاطك الملحووووووووووووظ

وعلى تميزك

يابعد حيي
[/align]
[/glint]







التوقيع :
متى ...؟

رد مع اقتباس
قديم 01-05-05, 12:04 PM   رقم المشاركة : 3
abu noooraaah
عضو فعال
الملف الشخصي






 
الحالة
abu noooraaah غير متواجد حالياً

 


 

a


[img3]يسلم لي مرور المحبين [/img3]






مشكور اخوي فواز على مرورك







رد مع اقتباس
قديم 01-05-05, 02:38 PM   رقم المشاركة : 4
الرهاوي
شاعــر
الملف الشخصي






 
الحالة
الرهاوي غير متواجد حالياً

 


 

[align=center]ابوووووووووو نوره

الله يعطيك العافيه يالغالي

ذووووووووووووووقك رفيع وإختياراتك موفقه


وفيها من الحكم والمواعظ مايجعلنا نستفيد منها


فألف ألف شكر على هذا الحضور العذب


وعلى التميز اللذي تميزت به


تقبل الود والتقدير


أخوك الرهــــــــــــــــــاوي
[/align]







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:28 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم