[align=center][align=center][align=center]بعد خسارة المنتخب
وضياع الحلم,
,
أشوف الحزن بعيون خلق الله كبير
يفضح ملامح حزنهم دموع عيونن حايره
كان الأمل بالله في تأهل منتخبنا كثير
عودونا صقورنا عند اللوازم بصيد الذايره
عودونا فـ مامضى بأن الصعب بعزيمتهم يسير
وأكبر مثل فـ إيران خلوا عيون النجادي طايره
مال أحد بــعشق الصعب مع منتخبنا خشير
تفردوا بـ العشق لين صاروا مع الزمن عشايره
هذي حقيقة مامضى لـ منتخبنا من مسير
واليوم أشوف إن أوضاع المنتخب متغايره
مدري وش الي فـ منتخبنا قاعد يصير
مدري حلم وإلا علم أو إن الحظ كثرت عثايره
بالأمس ضاع منا الحلم الأول والأخير
بأخر رمق ضيعوا الحلم وكسروا جبايره
اه ياحلمنا الضايع واه يالحلم الكسير
ألا ياليت الزمن يرجع ويجبر لنا كسايره
كأن الي صار بالأمس لايمكن إنه يصير
بلمحة بصر إنتهى الحلم بكوره طايره
حزين القلب هالليله وحزنه ياجماعه غير
وأنا من عادتي حزني بضحكة هم اسايره
ولكن هالمره حزن شاحب وجرحن يثير
بأقصى الصدر كانت طعنة منتخبنا غايره
أشوف الحزن بعيون خلق الله كبير
وأعرف إن المنتخب كثرت خسايره
,
,
على بحر الحزن
بمشاعر
غربة مشاعر
,,( سطام السيف ),,
صيف 2009
10/9/2009
تمت 9:33 صباح الحزن[/align][/align][/align]