[ALIGN=CENTER]الاخوة الاعزاء السلام عليكم ورحمة الله وبركاته ... يسعدني ويشرفني الانظمام الى هذه الكوكبة الرائعة في هذا الصرح الشامخ لاسيما وهو يحمل هذا الاسم الغالي على قلوبنا جميعاَ
(( حــــــفــــــرالـــبــــاطـــن ))[/ALIGN]
[ALIGN=CENTER]لا اريد ان اطيل عليكم .. يسرني ان اضع بين ايديكم احدى قصائد الشاعر مطلق البخيتان في هذه الرائعة التي طالما عودنا على مثلها واترككم مع القصيدة ولكم الحكم عليها .[/ALIGN]
[poet font="Simplified Arabic,5,white,normal,normal" bkcolor="transparent" bkimage="backgrounds/22.gif" border="double,4,white" type=1 line=200% align=center use=ex length=0 char="" num="0,black" filter=""]
قالوا قصيد وقلت معهم قصايـد=راحوا وأنا راوحت والناس نيمة
شتى معي شعبان واصطاف عايد=كـره وكـره والنكايـد مقيمـة
طار الغراب وليل الايـام سايـد=وحتى القمر دونه عواذيل غيمـة
للوقت في كسر الخواطر عوايـد=وللحظ في وقت الشدايـد ثليمـة
قبل الشعر ينبت عرفت النكايـد=اللي قساها زاد عزمي عزيمـة
وان الشدايد في بحرهـا فرايـد=يكفيك نقص الاصدقاء في جحيمة
وان الصداقـة ترتبـط بالفوايـد=وتموت لامات الرجـا بالغنيمـة
عصرالمصالح والرياء والزوايد=عصر المظاهر والنفوس السقيمة
عصرٍ به الاخلاص ماله شرايـد=فيه الوفى منبوذ (موضه قديمـه)
عصرٍغدت فيه الكرامـة بدايـد=خطرٍ منه تصنع شباشب حريمه
عصرٍ على بعض المناعير كايد=ولو جار ياصبر الرجال الحشيمة
ذل العزيز أفضع ذنوب الشدايـد=ظليمـةٍ ياكبرهـا مـن ظليمـة
عصرٍ رفع بالمال تِبعْ وسرايـد=وبالقل خلى اهل المعاني سقيمة
يالله ترجع كل صيـدة لصايـد=وتعيد قيمة كـل مسلـوب قيمـة
ياواعد الداعي بطيـب الوعايـد=ندعيك باسماك الجزال العظيمـة
***********
شعر مـطـلـق البـخيـتـان
تحياتي للجميع
اخوكم al7abeeb
al7abeeb_10@hotmail.com
[/poet]