السلام عليكم ورحمة الله .. وكل عام وانتم بخير .,..
[poem=font="Simplified Arabic,5,burlywood,bold,italic" bkcolor="transparent" bkimage="backgrounds/28.gif" border="double,4,gray" type=1 line=1 align=center use=ex num="0,black""]
ياحروف الشعر ياعطر القصيد=يابنات الفكر شيلي واردفي
هاتي الجزله مادام اليوم عيد=واتركي هزل الكلام وغطرفي
لبتسامة طفل في يوم(ن)سعيد=اشرقت شمس الصباح بمعطفي
للصغير اللي لبس ثوب(ن)جديد=والكبير اللي بعيده يحتفي
والسعاده فالكم عمر(ن)مديد=هذي هي غاية منايه وهدفي
لكل من جانا وجاكم من بعيد=والقريب اهديه شوقي واحرفي
يامقر الطيب يالصرح المشيد=ياضياء الحرف نورك ماطفي
بالتهاني والفرح شلنا نشيد=ياحمامه بالتهاني رفرفي
واكتمال العيد بالغالي اكيد=في حضوره زال همي وكلفي
هيه ياللي غبت .. يالظبي الفريد=هيه ياسبة جروحي وصلفي
ساري(ن)مفعول حبك بالوريد=جرحك اللي كنت خابر ماشفي
يازمان الوصل ! يالماض ِ التليد=ياعيون الشوق في قلب(ن)وفي
لارسالة عيد لو عبر البريد! =ولاسؤال ٍ منك لو هو مايفي
كل عيد وشوق قلبي لك يزيد=والمشاعر لاجل شوفك ترزفي
عاد عيدك ياعسى عيدك سعيد=انت ياعيد الخفوق ومسعفي
[/poem]
مدار الشمس ..