السلام عليكم ورحمة الله وبركاته... أحيي هذا المنتدى الراقي ....وجميع الأعضاء والمنسوبين والحقيقة ...عندي هالمشاركة... عسى أن تنال إعجابكم... في الحقيقة .. في هذا اليوم... عندي لكم قصة... والقصة هذي...حقيقة أنقلها لكم كتابة وصورة... فأترككم مع القصة... هذا طال عمركم ...من بيتنا بحفرالباطن نويت السفر من أجل القنص... وخذيت الكاميرا معي ....من أجل توثيق القصة.... فطلعت من الحفر... ومريت محطة الوايلية... وتعديتها وخذيت هالصورة... ومريت البرج اللي بين الحفر والطوالة... ومريت الطوالة وصوورتها...((أثرها متغيرة)) ومريت اللفة اللي قبل القلت وقلت خلني أصورها... وعديت على محطة النظيم... وجيت التفتيش (( أثرهم متغيرين ومتزينين وما شاء الله عليهم لا إاله إلا الله ) المهم عديتهم ... ويمرني هاك الجول اللي ما ينطوف... فــ خليت الجول وكملت طريقي... وأمر على القلت ... وهذا قار القلت اللي على يمين طريق الشمال وهذا شعيب القلت ... (( سايل .. يا عله للسيل )) الوكاد أني عديت القلت ... وأنا أمر على الوجعان ... وأثرهم مزينين بيوتهم ... ومضبطينها .... بسم الله عليهم... وأمر دغيليب الوجعان ... بس أنه حاط جسر على القار و الله الله و ما شاء الله... وصورت المزارع اللي يمين الوجعان... الوكاد....هنا الكلام ...يبدأ... مرتني هاللوحة بالطريق... قلت وشلون أروح لشلالات نياقرا وأنا بين دغيليب والشعبة.. فــ لقيت هاالطيارة.. وأنا آخذها وأطير بها ... بالسماء .. وأصور روحي.. وتجيني هالوحة بالطريق وأنا بالسماء... وأنا آخذ يمين... ( كونوا معنا )
(( عدنا )) وألقى شلالات نياقرا... يا سبحان الله .. أن أشهد أنها من عجايب خلق الله.. قلت: أبـ أصورها على كيفي.. وألقط هالصور.. الوكاد أنه يوم بغوا يمسكوني الشرطة وأنا أهبط على الأرض.. ومن الوناسة ...صورت الشرطي ..( ههههه ) وهو ما يدري...!!! وأنا أتمشى ...أبي الشلالات بس مدري وينها... وأعجبتني هالفيضة يا زينها....(نسيت الشلالات) وبطريقي وأنا أدور الشلالات ( مشيا على الأقدام ).. لقيت هالبيت الزين .. وصورته لكم .... (شرايكم به ) يا حلو هالبيت ... ألحقيقة أعجبني .. وأنا أصور عنده... الوكاد ... قلت أبـ أشوف لي راعي سيارة يوديني للشلالات.. تخبرون هبطت بالطيارة ....وأبعدت عن الشلالات..!!! فـ لقيت سيارة توديني للشلالات... وهناااا الكلام الصحيح... يا سبحان الله ...عجايب الدنيا ... يا حلو الطبيعة... قلت أبـ أصور للمنتدى أبيهم يشوفون اللي أنا أشوفه.. وأنا أصور لكم هالصورة ذي.. وأنا أفكر ... قلت يمكن يقولون ... (يكذب) ... قلت: تدري خلني أحط صورتي بالتصوير.. وأصور روحي... قلت : ما يصير ...عاداتنا أن خويانا ما تضيق أخلاقهم معنا.. قلت للأمريكي ( السواق ) تعال نصور أنا وإياك ... ونصور جميع... وأنا أروح للشلالات وأصور بس أبيها للمنتدى يشوفونها... وأنا أصور... لقيت جول ....على كيفك .. وأنا أصوره... يوم دريت ... ( أثر فيضة حلوان بأمريكا) بس إنها سايلة.. قلت : أيييه أشوف الأجوال ...على كيفك.. وألقى قوس قزح قريب حيل ... ما تصدق أنه قوس قزح... واأصور روحي معه ...يا سبحان الله هذاااااك هو تشوفونه.. وأنا أروح وأخليه لحاله .. ( كونوا معنا )
(( عدنا )) ونتسولف أنا والأمريكي ... يقول أن الجهة المقابلة ...(( كندا )) ما تدخلها إلا بجواز.. وأصور بجنب كندا... وآخذ لها هالصور ( ذكرى ).. ونوصل لمربط الفرس.. الشلالات ( شلالات نياقرا العالمية) وأنا أصور وأترككم مع الصور..( وأرجع لكم ) رجعت لكم.. بس ودي ألقي نظرة على الشلالات وأروح.. وطقت براسي :أبي صورة ختامية ...قبل لأرجع للحفر.. وأنا أرجع بطريقي ... وأدور طيارتي ..ما لقيتها .. شكل الهنود الحمر بااقوها.. وأدور يمين ...يسار... ما لقيتها..!! قلت : ما فيه الا ( السواق ) وأنا اكلمه ..قلت :رجعني لأقرب مدينة.. قال : روشستر..قلت : يالله.. وأصور وحنا ماشين بالطريق.. وناصل روشستر.. وأروح للفندق وأحجز ... وأدخل غرفتي وأصورها وهي هااادية.. قلت: صورة قبل الوداع.. وانا أنام ... وأحلم أني رجعت للحفر مع طريقي.... فـ كانت رحلة ممتعة جدا.. وهذي قصتي.... وفي النهاية.. القصة كانت (( خيالية )) ولكن الصور ...صور من كاميرتي الشخصية .. واستفدنا من القصة ... أنه لا شيء مستحيل.. وأن الله على كل شيء قدير... وأرجو أنكم استمتعتم بالرحلة معي.. وفي الختام لكم مني أجمل تحية... وصل اللهم على نبينا محمد...
هذا ان شاء الله عام 2500م بس الجول وشو جوله كدري والا قميري ؟؟ الله يسعد ايامك ويامرحبا بك في بيتك الثاني نورت المنتدا كله
وعليكم السلام ورحمة الله وبركاته رحله خياليه رائعه ومميزه رسمت البسمه علينا بهذه الرحله التي مضمونه بالصور وبالكلام عن جد اعجبتني بكلامك لاهنت يالغالي
هههههههههههههههههههههه صراحة موضوع مبدع أشوا إلي ما تعديت للشعبه
ههههههه الله يسعدك اخوي ورحله سعيده ورائعه بالتوفيق لك
( الشعبان ) ( تركي الوايلي ) ( أبو فيصل ) ( الذيب ) أشكركم على قراية موضوعي... وأتمنى أني ما طولت عليكم.. شرفتوني بحضوركم... تحياتي لكم جميعا...
خيال واسع أمتعنا بهالموضوع حياك الله أخوي
هههههههههههههههههه أهم شي " الفيضة " أيوه ذي حقتنا الفيضة ولا بعدين ما قلت لنا اسم الفندق بالضبط بودل أو غيره وثاني شي ما قلت لنا وش صار على الطريق اللي قبل الوجعان اللي إذا تعديته توقف يمين وتلقى ركبة السيارة مكسورة هههههههههه أهم شي "الفيضة" عندي شكلها عجبت تركي هههههههه