[poem=font="Simplified Arabic,4,black,normal,normal" bkcolor="gray" bkimage="backgrounds/39.gif" border="ridge,4,black" type=1 line=0 align=center use=sp num="0,black"]
ثلثين ليــل البـارحة زل مــا نمت
والثلث الآخر بين واعي وغافي
جنب وظهر واليا خفق ناظري قمت
نوم الغريب اللي وحيد ٍ يخافي
أحزان وهموم ٍ تغمت النفس غمت
يا بو مشاري ما على الله خافي
من يوم همت بحب ريم الفلا همت
ســار ٍ بليل ٍ نــور قمراه طافي
هايم ومجروح الحشا يلزم الصمت
ليا صار مــن يهواه عنه متجافي
عليك مــاضي مــا مضالي تندمت
وصلت حدي فوق عــض الأشافي
يــامـا على هــاك الليالي ترحمت
يــوم الغـلا صافي وراعيه صافي
واليوم عن طار الهوى والهوى شمت
الله خــلق دنيــا وســاع الفـيافي
يا بو مشاري في جنابك تعشمت
وأبديت لك لا هنت نضح القوافي
دامت لك أيـام السعادة ولي دمت
أخــو ٍ صـديق ٍ وافي وأبن وافي
يــا من عـلى جل المكارم تحزمت
وعسفت عسرات القوافي عسافي
وإن كان نايف طيب الذات والسمت
عقـب القفـص لا زال ياعــد ويافي
قــل لــه معي يـاما بليلي تكــلمت
والـيوم خيلك عــن وطنها مقــافي
لا والله ألا عــن هــواهــا تلـطــمت
ما حـاشت الكفين عــن ذاك كافي
وسلامتكم
نسم الشمال [/poem]