[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ماني على خبرك تغيرت ذا الحيـن=يعني على ماقيـل انسـان ثانـي
شفت التسامح والعفو وطابع اللين=ماعاد في قلبي لهـم مـن مكانـي
مسحتهم من داخل القلـب يازيـن=ولابي لهم ايـه اثـر فـي كيانـي
وش لي بهم مادام قد خنت الاثنين=فيهم وفينـي خنـت يالاسمرانـي
واليوم راجع تنتظر مـد الايديـن=هاذي بعيده عنـك مافيـك امانـي
وشلون انا اوثق فيك وانتا بوجهين=صعبه اكرر غلطـه الحـب ثانـي
خنت الهوى والحب من شان ثانين=وانا الذي مهديـك حـب ومعانـي
ارخصت حبي لجلهم طول هالسنين=بعت الهوى مـن شانهـم يأنانـي
واليوم يومنـك تبصـرت بالعيـن=وعرفت وين الصح يوم استبانـي
تبقاني ارجع لا حشـى يامسيكيـن=ماهو انا اللي يرتضـي بالمهانـي
نفسي عزيزه ايه ماتقبـل الشيـن=والراس دايم فوق ماهـو طمانـي
يوم اتركوك الغير تبقانـي اعيـن=لا والذي سـواك مانـي ومانـي
ماني براجعلك وش عاد بك زيـن=اصبحت فضله حب ولـد الفلانـي [/poem]